Dalanews/DALA INSIDE رەداكسياسىنىڭ جۋرناليستەرى استانا قالاسى ءماسليحاتىنىڭ ەكس-دەپۋتاتى، «G-Park» قۇرىلىس كومپانياسى جانە ونىڭ باسشىسى عابيت ساتماعامبەتوۆ تاراپىنان قىسىم كورىپ، ۇندەۋ جاسادى، دەپ حابارلايدى اlmaty-akshamy.kz
Dalanews جانە DALA INSIDE رەداكسيالارىنىڭ تاۋەلسىز جۋرناليستەرى «G-Park» قۇرىلىس كومپانياسى جانە ونىڭ باسشىسى عابيت ساتماعامبەتوۆ تۋرالى ماتەريالدار جاريالانعاننان كەيىن قىسىمعا تاپ بولعانىن حابارلاي وتىرىپ، ق ر باس پروكۋرورى ب.اسىلوۆتان، ق ر مادەنيەت جانە اقپارات ءمينيسترى ا.بالايەۆادان، ءىىم ءمينيسترى ە.سادەنوۆتەن، «ءادىل ءسوز» حالىقارالىق ءسوز بوستاندىعىن قورعاۋ قورىنان، قازاقستان جۋرناليستەر وداعىنان، قازاقستان ترانسپارەنسي قورىنان، Internews-تەن، بارلىق اقپارات قۇرالدارى مەن جۋرناليستەردەن قولداۋ سۇرايدى.
DALA INSIDE «G-Park» تۋرالى العاشقى ماتەريالداردان باستاپ وقيعالار حرونولوگياسىن تومەندەگىدەي باياندايدى.
«استانا قالاسىنىڭ اكىمى جەڭىس قاسىمبەكتىڭ 2023 جىلعى 22 جەلتوقسانداعى «G-Park كومپانياسىنا جاڭا نىسانداردىڭ قۇرىلىسىن باستاۋعا تىيىم سالۋ» تۋرالى بارلىق باق-تا تاراتىلعان جاريا مالىمدەمەسى، ەكس اكىم التاي كولگىنوۆ وتستاۆكاعا كەتكەننەن كەيىن قۇرىلىس كومپانياسىندا پروبلەمالار باستالعاندىعىن، بۇرىنعى پوليسيا قىزمەتكەرى ع.ساتماعامبەتوۆتىڭ جاعدايى ءماز ەمەس دەگەن تۇجىرىمدى راستاي ءتۇستى. سەبەبى، الدىمەن «G-Gark» ج ش س «جەنيەۆا» مجك نىسانى بويىنشا بويىنشا جوسىقسىز قۇرىلىس سالۋشىلار تىزىمىنە ەنگىزىلدى. ال ودان كەيىن رۇقسات قۇجاتتارى جوق تك قۇرىلىسىنا قاتىستى جانجالدار، 2023 جىلعى تامىزدا كەڭسەدە ۇلەسكەرلەردىڭ ميتينگىلەرى ورىن الدى. بۇعان دەيىن استانادا قۇرىلىس كومپانيالارىنىڭ باسشىلارى قاشىپ، زارداپ شەككەن ۇلەسكەرلەردىڭ قۇقىقتارى مەملەكەت تاراپىنان بىرنەشە رەت قورعالعاندىقتان، ولاردىڭ مىندەتتەمەلەرى تيىسىنشە سالىق تولەۋشىلەردىڭ قالتاسىنان، ەل بيۋدجەتىنەن جابىلدى. بۇقارالىق اقپارات قۇرالدارىندا جەكە قۇرىلىس كومپانياسىنىڭ كاپيتالىن نەمەسە بيزنەسىن قورعاسىن دەگەن ەش مىندەتتەمە جوق. جۋرناليستەر وزدەرىنىڭ كاسىبي بورىشىنا بايلانىستى تەك قانا ازاماتتاردى، ۇلەسكەرلەردى جانە مەملەكەتتى الداعى تاۋەكەلدەر تۋرالى ەسكەرتۋگە مىندەتتى. سوندىقتان مۇنداي كۇردەلى ماسەلەلەردى ۋاقتىلى انىقتاۋ جانە جاريالاۋ كوبىنەسە ۇلەسكەرلەردىڭ قۇقىقتارىن جاپپاي بۇزۋدى توقتاتۋعا جانە الدىن الۋعا مۇمكىندىك بەرەدى. ءبىزدىڭ رەداكسيانىڭ قىزمەتى ءدال وسى ماقساتقا باعىتتالعان.
2023 جىلدىڭ 25 جەلتوقسانىندا DALA INSIDE تەلەگرام ارناسىندا «قۋات» وقيعاسى قايتالانادى. «G-Park» قۇرىلىس كومپانياسىنىڭ باسشىسى عابيت ساتماعامبەتوۆ دۋبايدا جاسىرىنۋعا كوشتى» تاقىرىبىمەن ماتەريال جاريالاندى.
اتالعان ماتەريال شىققاننان كەيىن «G-Park» باسشىسى عابيت ساتماعامبەتوۆ ءوزىنىڭ Instagram پاراقشاسىندا استانادا ەكەندىگىن جاريالاپ، رەداكسياعا ءبىزدىڭ جاريالانىمدى جوققا شىعارۋ تۋرالى تالاپ جىبەردى. وسىدان كەيىن، 2023 جىلدىڭ 28 جەلتوقسانىندا DALA INSIDE عابيت ساتماعامبەتوۆتىڭ استانادا ەكەندىگى تۋرالى اقپاراتىنا سىلتەمە جاساي وتىرىپ، الدىڭعى ماتەريالدى تەرىسكە شىعارادى. ياعني، جاريالانعان اقپارات جەدەل تۇردە تەرىسكە شىعارىلىپ، ەسكى پوست الىنىپ تاستالعاننان كەيىن، ماسەلە سول جەردە جويىلدى دەپ ەسەپتەدىك. الايدا ساتماعامبەتوۆ مىرزا جوق جەردەن «تىرناق استىنان كىر ىزدەۋدى» جالعاستىردى» - دەيدى Dalanews/DALA INSIDE رەداكسياسىنىڭ جۋرناليستەرى.
عابيت ساتماعامبەتوۆ جۋرناليستەردىڭ نەگىزسىز شابۋىلىنا ۇشىراپ، دۋبايعا بارماعاندىعىن العا تارتىپ 2024 جىلدىڭ 4 قاڭتارىندا استانا قالاسى پوليسيا دەپارتامەنتىنە ارىز جازعان. وسىدان كەيىن استانا قالاسى پوليسيا دەپارتامەنتىنىڭ جەدەل تەرگەۋ باسقارماسى 365info.kz جانە DALA INSIDE رەداكسيا قىزمەتكەرلەرىنەن جاۋاپ الۋ ءۇشىن ولاردى الماتى مەن استانا قالاسىنان شاقىرعان.
قازىرگى ۋاقىتتا جۋرناليستەر ءتىنتۋ، كەڭسە تەحنيكاسىن الىپ قويۋ جانە قاماۋعا الۋعا سانكسيا بەرۋ ءقاۋپى بار دەپ قاۋىپتەنۋدە.
«ب ا ق تۋرالى زاڭنىڭ 20-بابىنا قاراماستان، تەرگەۋشىنىڭ نەگىزگى ماقساتى جۋرناليستەردى داۋلى قۇرىلىس كومپانياسى تۋرالى اقپاراتتى قاي دەرەككوزدەن العانىن اشۋعا ماجبۇرلەۋ بولدى. استانا قالالىق پوليسيا دەپارتامەنتىنىڭ تەرگەۋ باسقارماسى ناقتى كۇدىكتىنىڭ جوقتىعىنا جانە ءبىزدىڭ اقپاراتتى جاريا ەتپەۋ تۋرالى ەش قۇجاتقا قول قويماعانىمىزعا قاراماستان، اتالعان ءىس تۋرالى اقپاراتتىڭ اشىلعانى ءۇشىن جاۋاپكەرشىلىك بولاتىنىن قايتا-قايتا ەسكەرتۋگە تىرىستى. ءبىز ءوزىمىزدىڭ دۇرىستىعىمىزعا جانە اقپاراتىمىزدى بەرۋ تاسىلىنە سەنىمدىمىز. سوندىقتان سوتتا ءوز پوزيسيامىزدى سوڭىنا دەيىن قورعايمىز جانە ادال، كاسىبي جۋرناليستيكا قۇقىق قورعاۋ ورگانىنىڭ بۇرىنعى قىزمەتكەرى، G-Park بيزنەسىن ۇستاۋشى ع.ساتماعامبەتوۆتىڭ امبيسياسىنان، ونىڭ بايلانىستارىنان دا جوعارى ەكەنىن دالەلدەيمىز. ول ءوز بيزنەسىنىڭ پروبلەمالارىنان الشاقتاپ شەتەلگە كەتتى دەگەن سوزگە رەنجىدى. ال بۇل قۇرىلىس كومپانياسىنا سەنگەن ۇلەسكەرلەرىنىڭ تاعدىرى قالاي بولماق؟ ءبىز ولاردىڭ زاڭدى قۇقىقتارى مەن مۇددەلەرىن قورعاي الامىز با؟ ءبىز بۇل سۇراقتارعا ارتىنان جاۋاپ الاتىن بولامىز. ويتكەنى ۇلەسكەرلەردىڭ ميتينگىلەرى مەن قۇرىلىسقا تىيىم سالىنعانىنا قاراماستان، ساتماعامبەتوۆ تۇراقتى تۇردە الەم بويىنشا ساياحاتتاۋدى جالعاستىرۋدا جانە كوپتەگەن ەلدەرگە بارىپ ۇلگەردى. وسىدان كەيىن، ول شەتەلدەن شىقپاسا، بيزنەستىڭ پروبلەمالارىنان الشاقتادى دەپ قالاي ايتا المايمىز؟» - دەيدى رەداكسيا جۋرناليستەرى.
اتالعان ماسەلە ق ر مادەنيەت جانە اقپارات ءمينيسترى ايدا بالايەۆانىڭ نازارىنان تىس قالمادى. ا.بالايەۆا تاۋەلسىز باسىلىمىنىڭ اينالاسىنداعى جاعدايدى باقىلاۋعا العانى جايىندا ءوزىنىڭ الەۋمەتتىك پاراقشاسىندا جازبا جاريالادى.
«قازاقستان رەسپۋبليكاسىنىڭ كونستيتۋسياسىنا، سونداي-اق «بۇقارالىق اقپارات قۇرالدارى تۋرالى» زاڭعا سايكەس ەلىمىزدە ءسوز بوستاندىعىنا كەپىلدىك بەرىلگەنىن، سەنزۋراعا تىيىم سالىنعانىن اتاپ ءوتۋ ماڭىزدى.
سونىمەن قاتار، جوعارىدا اتالعان زاڭنىڭ 20-بابىنا سايكەس، جۋرناليست اۆتورلىق جانە اقپارات كوزدەرiنiڭ قۇپياسى سوتتىڭ تالاپ ەتۋiمەن جاريالانعان جاعدايلاردى قوسپاعاندا، قۇپيانى ساقتاۋعا قۇقىعى بار.
قازىرگى ۋاقىتتا Dala news رەداكسياسى بۇرىن جاريالانعان مالىمەتتەردى جوققا شىعارىپ، سول ارقىلى قولدانىستاعى زاڭناماعا سايكەس ب ا ق مىندەتتەمەسىن ورىنداعان ماقالا جاريالادى.
وسى فاكتىنى نازارعا الا وتىرىپ، مينيسترلىك جاعدايدى ەرەكشە باقىلاۋدا ۇستايدى. سونداي-اق اتالعان باق-قا كورسەتىلۋى مۇمكىن قىسىمنان قورعاۋ ماقساتىندا قۇقىق قورعاۋ ورگاندارىمەن بىرلەسىپ ءتيىستى جۇمىس جۇرگىزۋدە»، -دەلىنگەن جازبادا.
ءوز كەزەگىندە Dalanews، DALA INSIDE جانە «قالا مەن دالا» گازەتىنىڭ قۇرىلتايشىسى ءوز جۇمىسىن اتقارعان رەداكسيا جۋرناليستەرىن اياعىنا دەيىن قورعاۋعا نيەتتى.