2023 جىلى الماتىنىڭ «پيت» اەا-نا جەكە ينۆەستيسيانىڭ جالپى كولەمى 64 ملرد تەڭگە بولاتىن 52 جاڭا قاتىسۋشى قابىلداندى، دەپ حابارلايدى almaty-akshamy.kz
2023 جىلى الماتى قالاسىنداعى «يننوۆاسيالىق تەحنولوگيالار پاركى» ارنايى ەكونوميكالىق ايماعىندا 52 جاڭا قاتىسۋشىسى جەكە ينۆەستورلاردان 64 ملرد. تەڭگە تارتىپ، 1 395 جۇمىس ورنىن قۇرادى. يتپ اەا اۋماعىندا وسى جوبالاردى جۇزەگە اسىرۋ ءۇشىن اۋدانى 15 گەكتار بولاتىن 7 جەر تەلىمى ءبولىندى.
2023 جىلعى 11 قازاندا اەا اۋماعىندا مەديسينالىق ماقساتتاعى بۇيىمدار (كاتەتەرلەر، زوندتار، پاتولوگيالىق ماتەريال جيناۋعا ارنالعان كونتەينەرلەر جانە ت.ب.) وندىرەتىن جاڭا زاۋىتتىڭ ىرگەتاسى قالاندى. بۇل جوبانى «Juldyz Kenan ltd.» ج ش س جۇزەگە اسىرادى. ينۆەستيسيا كولەمى شامامەن 1،5 ملرد. تەڭگە، 100 جۇمىس ورنى اشىلادى. قۇرىلىس 2024 جىلدىڭ شىلدە ايىندا اياقتالادى.
2023 جىلعى 23 قاراشادا يتپ اەا-دا «OISB Kazakhstan» ەلەكتر تەحنيكالىق جابدىقتار مەن ەلەكتر قۋاتىن ءبولۋ جۇيەلەرىن ءوندىرۋ جونىندەگى قازاقستان-مالايزيا بىرلەسكەن زاۋىتى سالتاناتتى تۇردە اشىلدى. جوبانى جۇزەگە اسىرۋ ءۇشىن اۋدانى 0،6 گا جەر ۋچاسكەسى ءبولىندى، جوبانىڭ قۇنى 980 ملن. تەڭگە. وندىرىستىك قۋاتى جىلىنا 2 مىڭ ءونىم شىعارۋعا ەسەپتەلگەن.
قازىرگى ۋاقىتتا «يتپ» اەا اۋماعىنىڭ جالپى اۋدانى 163،02 گا، ونىڭ 52،18 گا وندىرىستىك الاڭداردى سالۋ ءۇشىن «يتپ» اەا قاتىسۋشى كومپانيالارىنا جالعا بەرىلگەن. بۇل رەتتە. «يتپ» اەا اۋماعىنىڭ باسىم بولىگىن ينفراقۇرىلىم نىساندارى الىپ جاتىر.
«يتپ» اەا اۋماعىندا ينۆەستيسيالىق جوبالاردى ىسكە اسىرۋ ءۇشىن جەر تەلىمدەرى قوسالقى جالداۋ قۇقىعىمەن وتەۋسىز نەگىزدە بەرىلەدى. ۋچاسكەلەر قاجەتتى ينفراقۇرىلىممەن قامتاماسىز ەتىلگەن، كلاستەرلەرگە بولىنگەن جانە بارلىق سانيتارلىق نورماعا سايكەس كەلەدى.
«يتپ» اەا قىزمەتى باستالعاننان بەرى ونىڭ قاتىسۋشىلارى ينۆەستور كومپانيالار اتىنان 6 664 جۇمىس ورنىن اشتى، 78،6 ملرد.تەڭگە ينۆەستيسيا قۇيدى، 117،4 ملرد. تەڭگە بيۋدجەتكە سالىقتار مەن باسقا دا تولەمدەر تولەندى، 707،8 ملرد. تەڭگەگە ءونىم ءوندىرىلدى جانە قىزمەتتەر كورسەتىلدى. ەكسپورت كولەمى 8،6 ملرد. تەڭگە.