كاسىبي قاتەلىكتەر جىبەرگەن
كەيبىر باق-تاردا جۋرناليست ميحايل كوزاچكوۆتى شارتتى تۇردە 3،5 جىلعا باس بوستاندىعىنان ايىرىلعانى تۋرالى اقپارات پايدا بولدى، دەپ حابارلايدى Almaty-akshamy.kz.
ميحايل كوزاچكوۆتىڭ ادۆوكاتى ەلەنا جيگالونوك بۇل اقپاراتتى راستادى، دەپ جازدى Zakon.kz.
"راسىندا، الماتى گارنيزونىنىڭ اسكەري سوتىنىڭ ۇكىمىمەن ميحايل كوزاچكوۆ كىنالى دەپ تانىلىپ، شارتتى مەرزىمگە سوتتالدى. ول قىلمىستىق كودەكستىڭ 147 جانە 274-باپتارى بويىنشا سوتتالدى. جۋرناليستىك زەرتتەۋلەردى دايىنداۋ كەزىندەگى كاسىبي قاتەلىكتەرى ءۇشىن دەپ تە ايتۋعا بولادى"، - دەدى ميحايل كوزاچكوۆتىڭ ادۆوكاتى ەلەنا جيگالونوك.
ءبىراق، ول قارجىلىق مونيتورينگى اگەنتتىگىنىڭ تەرگەۋ-جەدەل توبى كوزاچكوۆتىڭ ەلدوس قوسپايەۆتىڭ ۇيىمداسقان قىلمىستىق توبىنىڭ قىزمەتىنە ەشقانداي قاتىسى جوق ەكەنىن، رەيدەرلىككە قولعابىس ەتۋ ايىپتارى الىنىپ تاستالعانىن انىقتاعانىن دا ناقتىلادى. سوندىقتان كوزاچكوۆقا قاتىستى 249 جانە 262-باپتار بويىنشا قىلمىستىق ءىس وڭالتۋ نەگىزدەرى بويىنشا توقتاتىلعان.