جەڭىل كولىكتەر الماتى-وسكەمەن تاسجولىنىڭ 406-شاقىرىمىندا سوقتىعىسقان
جەتىسۋ وبلىسىندا كولىك اپاتىنان ءۇش ادام مەرت بولىپ، ەكى ادام جاراقات الدى، دەپ حابارلايدى Almaty-akshamy.kz.
27 ناۋرىزدا اقسۋ اۋدانىندا Toyota Camry جانە Kia Rio كولىكتەرى جول اپاتىنا ۇشىرادى.
سالدارىنان ءۇش ادام قازا تاپتى، تاعى ەكەۋى ءتۇرلى جاراقاتپەن اۋداندىق اۋرۋحاناعا ءتۇستى.
كورەي شەتەلدىك كولىگىن 40 جاستاعى ايەل، ال Toyota Camry كولىگىن 39 جاستاعى ەر ادام باسقارعان.
جەڭىل كولىكتەر الماتى-وسكەمەن تاسجولىنىڭ 406-شاقىرىمىندا سوقتىعىسقان، جۇرگىزۋشىلەردىڭ ءبىرى ءرۋلدى باسقارا الماي، كولىك قارسى جولاققا شىعىپ كەتكەن.
«تاعايىندالعان ساراپتاما قورىتىندىسى بويىنشا تەرگەۋ بارىسىندا جول اپاتىنا كىنالى ادام انىقتالادى. وقيعا ورنىندا پاترۋلدىك پوليسيا قىزمەتكەرلەرى مەن تەرگەۋشىلەر جۇمىس ىستەپ جاتىر»، - دەلىنگەن جەتىسۋ وبلىستىق پوليسيا دەپارتامەنتى باسپا ءسوز قىزمەتىنىڭ حابارلاماسىندا.