جۇرگىزۋشىسى جوق اۆتوبۋستار جولعا شىقتى

ەدينبۋرگتە Stagecoach كومپانياسىنىڭ العاشقى اۆتونومدى اۆتوبۋستارى قولدانىسقا بەرىلدى.

جۇرگىزۋشىسىز باسقارىلاتىن اۆتوبۋس جولاۋشىلاردى شوتلانديا استاناسى مەن فيرت-وف-فورت شىعاناعىنىڭ ار جاعىندا ورنالاسقان فايف وكرۋگى اراسىندا تاسىمالدايتىن بولادى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

كولىك رەسمي تۇردە پيلوتسىز دەپ اتالعانىمەن، ءىس جۇزىندە ەكى ادامنان تۇراتىن ەكيپاج مۇشەسى بار: بىرەۋى «شتۋرمان» قىزمەتىن اتقارادى - اۆتوماتيكادا اقاۋ بولعان جاعدايدا جول مەن قۇرىلعىلاردى باقىلايدى، ەكىنشىسى «كاپيتان»، ول كوبىنە بيلەت تەكسەرەدى جانە جولاۋشىلاردى وتىرعىزۋعا كومەكتەسەدى.

كومپانيا ءبىر پالۋبالى اۆتوبۋستار اپتاسىنا 10 مىڭ ادامعا دەيىن تاسىمالداي الاتىنىن ايتادى.

اۆتوبۋستار بورتتىق كومپيۋتەردە بەلگىلەنگەن مارشرۋت بويىنشا قاتاڭ تۇردە ۇزىندىعى 21 كيلومەتر جانە 75 كم/ساع اسپايتىن جىلدامدىقپەن جۇرەدى.

AB1 دەپ بەلگىلەنگەن باعىت - ەل ۇكىمەتى سۋبسيديالايتىن العاشقى رەسمي تىركەلگەن جۇرگىزۋشىسىز باعىت بولدى.

Stagecoach كومپانياسىنان باسقا، اۆتوبۋستى قۇراۋعا تاعى بىرنەشە فيرما مەن ۇيىم قاتىستى، سونىڭ ىشىندە Enviro200AV ماشينالارى جولدا كۇردەلى مانيەۆرلەردى ورىنداي الادى، مىسالى، اينالمالى قوزعالىستى باسقارۋ، باعدارشام سيگنالدارىن اجىراتۋ جانە جولاقتاردى وزگەرتۋ سەكىلدى.