الەۋمەتتىك جەلىدە اۆتوبۋس جۇرگىزۋشىلەرىنە تاپ بەرگەن ەكى ۆيدەو تارادى. ونىڭ ءبىرى استانادا ورىن السا، ەكىنشىسى اقتاۋدا وربىگەن، دەپ حابارلايدى اlmaty-akshamy.kz.
استانادا كەلە جاتقان اۆتوبۋستىڭ الدىن كەسىپ توقتاعان كيا كولىگىنىڭ جۇرگىزۋشىسى اۆتوبۋستىڭ جۇرگىزۋشىسىنە كەلگەن. سودان كەيىن قولىنداعى بۇرىش سپرەيىمەن جۇرگىزۋشىنىڭ بەتىنە شاشىپ، ءوزى وقيعا ورنىنان قاشىپ كەتكەن. اراعا ۋاقىتتار سالىپ ول ۇستالدى. بۇزاقىلىق ءۇشىن 10 كۇنگە قاماۋعا الىندى.
ال اقتاۋدا ورىن العان وقيعادا جولاۋشى ەش سەبەپسىز جۇرگىزۋشىنى ۇرۋعا تالپىنادى. سول كەزدە قوعامدىق كولىك ىشىندەگى ادامدار ونى توقتاتپاق بولعان. دەگەنمەن جۇرگىزۋشىگە ۇمتىلعان جولاۋشى قول جۇمساپ ۇلگەردى. جولاۋشىدان تاياق جەگەن جۇرگىزۋشى دە ەسە الۋ ماقساتىندا كولىكتى توقتاتا سالىپ جۇگىرەدى. وسى كەزدە جولاۋشى سىرتقا قاشىپ ۇلگەرگەن.