الماتىدا بۇقتىرما كوشەسى مەن قۇلجا تراكتىنىڭ قيىلىسىندا جولايرىعى ەستاكاداسىنىڭ جول بولىگىندە شۇڭقىرلار پايدا بولعان.
الەۋمەتتىك جەلىلەردە قالا تۇرعىندارى جاڭادان سالىنعان نىساننىڭ جول جامىلعىسىندا اقاۋلاردىڭ قايدان پايدا بولعاندىعى جونىندە ساۋال قويا باستادى. الماتى قالالىق موبيلدىلىك باسقارماسى ەستاكادا بويىنشا قوزعالىس 2021 جىلى اشىلعانىن، ءبىراق جولايرىعى 2023 جىلدىڭ قازان ايىندا پايدالانۋعا بەرىلگەندىكتەن، نىسان 2026 جىلعا دەيىن كەپىلدىكتە ەكەنىن ءمالىم ەتتى، دەپ حابارلايدى اlmaty-akshamy.kz.
«الدىن الا مالىمەتتەر بويىنشا، اسفالتبەتون جابىنىنىڭ اقاۋلارى گيدرووقشاۋلاعىش ماتەريالدىڭ قابىرشاقتانۋى سالدارىنان پايدا بولدى. ونىڭ ناقتىلى سەبەپتەرىن انىقتاۋ ءۇشىن زاقىمدانعان ۋچاسكە اشىلادى. «Bazis construction» ج ش س كومپانياسىنا كەپىلدىك مىندەتتەمەلەرىاياسىندا ءوز قاراجاتى ەسەبىنەن الداعى 10 كۇن ىشىندە قالپىنا كەلتىرۋ جۇمىستارىن جۇرگىزۋگە نۇسقاۋ بەرىلدى»، - دەلىنگەن حابارلامادا. باسقارما قوزعالىس قاۋىپسىزدىگىن قامتاماسىز ەتۋ ءۇشىن قازىرگى كەزدە اقاۋلى ۋچاسكەگە ۋاقىتشا جوندەۋ جۇرگىزىلگەنىن ايتتى.