بۇگىننەن باستاپ استانا قالاسىندا ەنگىزىلەدى.
ەندى جۇرگىزۋشى كۋالىگىنە ۇمىتكەرلەر ەكى فاكتورلى اۋتەنتيفيكاسيادان وتەدى، دەپ حابارلايدى aqshamnews.kz
ەكى فاكتورلى اۋتەنتيفيكاسيا – قولدانۋشىنىڭ ەكى ءتۇرلى ادىسپەن ءوزىن-وزى راستاۋ كەرەك. ءبىرىنشىسى – سمس حابارلامانىڭ كومەگىمەن، ەكىنشىسى – بيومەتريالىق سايكەستەندىرۋ ارقىلى.
قىزمەت الۋشىعا تەستتەن وتپەس بۇرىن 1414 نومىرىنەن جەكە دەرەكتەرگە قاتىستى سۇراۋ سالۋ تۋرالى حابارلاما كەلەدى. ايتا كەتۋ كەرەك، SMS قولدانۋشىنىڭ ەلەكتروندى ۇكىمەت پورتالىنىڭ جەكە كابينەتىنە تىركەلگەن تەلەفون نومىرىنە جىبەرىلەدى.
ءساتتى اۆتوريزاسيادان كەيىن قىزمەت الۋشى بيومەتريالىق سايكەستەندىرۋدەن وتەدى.
«الاياقتار كۇن سايىن الداۋدىڭ جاڭا تاسىلدەرىن ويلاپ تابۋدا. وسى ورايدا ءبىزدىڭ قىزمەتكەرلەرىمىز دە زاڭبۇزۋشىلىقتاردى انىقتاۋ ءۇشىن ۇلكەن جۇمىستار اتقارۋدا. سونىمەن قاتار مەملەكەتتىك كورپوراسيا قىزمەت كورسەتۋدىڭ ساپاسىن جاقسارتۋ بويىنشا تۇراقتى جۇمىس جۇرگىزىپ كەلەدى. ەندىگى كەزەكتە، ەكى فاكتورلى اۋتەنتيفيكاسيانى ەنگىزۋ ەمتيحانداعى بۇزۋشىلىقتاردىڭ سانىن ازايتۋعا كومەكتەسەدى دەپ سەنەمىن. سايكەسىنشە قىزمەت الۋشىنىڭ دەرەكتەرى دە سەنىمدى قورعالادى»، – دەپ اتاپ ءوتتى مەملەكەتتىك كورپوراسيانىڭ باسقارما ءتوراعاسى ارمان كەنجەعالييەۆ.