قوستاناي وبلىسىندا ورتتەن ءبىر ءۇيدىڭ 5 بالاسى قايتىس بولدى.
وقيعا ءجىتىقارا قالاسىندا تاڭعى ساعات 4:29-دا جەكە اۋلانىڭ اۋماعىندا بولعان، دەپ حابارلايدى aqshamnews.kz
ورتتەن تۇرعىن ءۇيدىڭ توبەسى قۇلاعان. قۇتقارۋشىلار وقيعا ورنىنا 7 مينۋت ىشىندە جەتكەن.
“ءورت بولعان كەزىندە ۇيدە ۇلكەندەردىڭ قاراۋىنسىز 2011، 2016، 2018، 2019، 2022، 2023 جىلدارى تۋعان، كامەلەتكە تولماعان بالالار بولعان. ۇيىندىلەردى تازالاۋ كەزىندە بەس بالانىڭ ءمايىتى تابىلدى. 2011 جىلى تۋعان ۇلكەن بالا زارداپ شەكپەگەن”، - دەلىنگەن اقپاراتتا.
الدىن الا اقپارات بويىنشا، ءورت پەشتەن شىققان. بالالاردىڭ اناسى كەشكە تاياۋ تانىسىنا كەتكەن. جۇبايى تۇرمەدە وتىر.
جەرگىلىكتى بيلىك كومەك كورسەتەتىنىن حابارلادى. توتەنشە جاعدايلار مينيسترلىگى بالالاردى قاراۋسىز قالدىرماۋ كەرەكتىگىن ەسكەرتەدى.