تارازدا جۇرگىزۋشى كۋالىگىنسىز كولىك ايداعان 17 جاستاعى جاسوسپىرىمگە ايىپپۇل سالىندى، - دەپ حابارلايدى Aqshamnews.kz ءتىلشىسى.
تارازدا كامەلەتكە تولماعان جۇرگىزۋشى رولگە زاڭسىز وتىرىپ، جول اپاتىنا سەبەپكەر بولدى. وقيعا 2025 جىلدىڭ تامىز ايىندا تىركەلگەن.
پوليسيا دەرەگىنشە، 17 جاستاعى ءجاسوسپىرىم Audi C4 كولىگىن جۇرگىزۋشى كۋالىگىنسىز ايداپ، جول قوزعالىسى ەرەجەسىن بۇزعان. سونىڭ سالدارىنان ول قارسى باعىتتا كەلە جاتقان Volkswagen Jetta-عا سوقتىعىسىپ، باسقا جۇرگىزۋشى جەڭىل جاراقات العان جانە ونىڭ كولىگىنە ماتەريالدىق شىعىن كەلتىرىلگەن.
سوت ءىسى قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 610-بابىنىڭ 3-بولىگى بويىنشا قارالدى.
سوتتا ءجاسوسپىرىم كىناسىن مويىنداپ، كەلتىرىلگەن شىعىندى وتەۋگە دايىن ەكەنىن جەتكىزدى. ونىڭ العاش رەت قۇقىق بۇزعانى جانە شىن جۇرەكتەن وكىنگەنى جەڭىلدەتەتىن ءمان-جاي رەتىندە ەسكەرىلدى. ناتيجەسىندە سوت وعان 39 مىڭ تەڭگە كولەمىندە ايىپپۇل سالدى.