Junior Eurovision: قازاقستان نەشىنشى ورىن الدى؟

قازاقستان «Junior Eurovision» دوداسىنا وسىمەن بەسىنشى رەت قاتىستى

ارمەنيا استاناسى ەريەۆان قالاسىندا وتكەن «Junior Eurovision-2022» حالىقارالىق ءان بايقاۋىندا فرانسيالىق ونەرپاز جەڭىمپاز اتاندى، دەپ حابارلايدى Almaty-akshamy.kz قازاقپاراتقا سىلتەمە جاساپ.

اتالعان ونەر سايىسىندا قازاقستان اتىنان داۆيد چارلين ونەر كورسەتتى. ول ساحناعا ءۇشىنشى بولىپ شىعىپ، جوبا ءۇشىن ارنايى جازىلعان «جەر-انا» اتتى ءانىن ورىندادى.

داۋىس بەرۋ بارلىق قاتىسۋشىلار ونەر كورسەتىپ بولعاننان كەيىن باستالىپ، 15 مينۋت بويىنا جالعاستى. بايقاۋ ناتيجەسى ۇلتتىق ءجيۋريدىڭ باعالاۋى مەن الەمىنىڭ 178 ەلىنىڭ حالقى بەرگەن ونلاين-داۋىس قورىتىندىسى بويىنشا شىعارىلدى. وعان سايكەس، فرانسيالىق ءانشى ليسساندرو «Oh Maman!» تۋىندىسىمەن جەڭىسكە جەتتى. ەكىنشى ورىندى ارمەنيا ەلىنىڭ قاتىسۋشىسى نارە يەلەنسە، گرۋزيالىق ونەرپاز ماريام بيگۆاۆا ءۇشىنشى ورىنعا تۇراقتادى.

ال قازىلار القاسى قازاقستاندىقتىڭ داۆيد ءچارليننىڭ ونەرىنە - 5، كورەرمەندەر - 42 بال بەرىپ، جالپى ەسەپتە 47 ۇپاي جينادى. وسىلايشا، قازاقستان «Junior Eurovision-2022» حالىقارالىق ءان بايقاۋىندا 15-ورىندى يەلەندى.

ءان بايقاۋىنىڭ تىكەلەي ترانسلياسياسى «حابار» تەلەارناسىنىڭ ەفيرىندە، سونداي-اق Junior Eurovisionء-نىڭ YouTube-ارناسىندا جۇرگىزىلدى.

ايتا كەتەيىك، قازاقستان «Junior Eurovision» دوداسىنا وسىمەن بەسىنشى رەت قاتىستى. بيىل ءان بايقاۋىندا ەلىمىزدەن بولەك، 15 ەۋروپالىق مەملەكەتتىڭ جاس انشىلەرى ب ا ق سىنادى.

ەسكە سالساق، 2018 جىلى بۇل بايقاۋعا قازاقستان اتىنان العاش بولىپ جاس ءانشى دانەليا تۋلەشوۆا قاتىسىپ، 6-ورىن يەلەنگەن بولاتىن. 2019 جىلى جالپى داۋىس بەرۋ ناتيجەسىندە ەرجان ماكسيم 2-جۇلدەلى ورىنعا يە بولدى. 2020 جىلى قاراقات باشانوۆا دا 2-ورىنعا تابان تىرەدى. بىلتىر قازاقستاننان بەكنۇر جانىبەك ۇلى مەن ءالينۇر حامزين قاتىسىپ، 19 ەلدىڭ ىشىنەن 8-ورىنعا تۇراقتاعان بولاتىن.