سايىستىڭ گراند-فينالى 11 جەلتوقسانعا جوسپارلانىپ وتىر.
«حابار» اگەنتتىگى» اق باسقارما ءتوراعاسىنىڭ ورىنباسارى دانيار مەڭىلبەكوۆ «Junior Eurovision 2022» بايقاۋىنا دايىندىق بارىسى قالاي ەكەنىن ايتتى، دەپ حابارلايدى Almaty-akshamy.kz.
2022 جىلدى مەملەكەت باسشىسى بالالار جىلى دەپ جاريالاعانىن بىلەسىزدەر. بۇل ءىس-شارا وسكەلەڭ ۇرپاققا ونەردى دارىپتەپ، شىعارماشىلىعى مەن ونەرىنە قولداۋ ءبىلدىرۋ. وسىعان قاراپ بالالار جىلىنىڭ ماقساتى مەن مىندەتتەرىمەن ۇندەسەتىنىن كورەمىز.
«بيىل ونەر دوداسىنا 16 ەلدىڭ جاس ونەرپازى قاتىسقالى وتىر. ولار البانيا، ارمەنيا، فرانسيا، گرۋزيا، يرلانديا، يتاليا، مالتا، نيدەرلاندى، سولتۇستىك ماكەدونيا، پولشا، پورتۋگاليا، سەربيا، يسپانيا، ۇلىبريتانيا جانە قازاقستاننىڭ جاس دارىندى ونەرپازدارى ب ا ق سىناماق. وتانداستارىمىز ءجۇز ميلليونداپ قارالاتىن ونەر الاڭىندا ءوز ونەرىن پاش ەتەدى. ب ا ق سىناسىپ، مىقتىنى انىقتايدى»، - دەدى دانيار مەڭىلبەكوۆ ورتالىق كوممۋنيكاسيالار قىزمەتى الاڭىندا وتكەن بريفينگ بارىسىندا.
ونىڭ ايتۋىنشا، «Junior Eurovision 2022» بايقاۋى وسى جىلى ارمەنيا استاناسى ەريەۆاندا جەلتوقسان ايىندا وتەدى.