2024 جىلدىڭ 1 قاڭتارىنان باستاپ 236،1 مىڭ ادام جۇمىسىنان ايىرىلۋىنا بايلانىستى الەۋمەتتىك تولەم العان.
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، بيىل 190،2 مىڭ جۇمىسسىز ادامعا تولەم العاش رەت تاعايىندالدى، دەپ حابارلايدى aqshamnews.kz
قولدانىستاعى زاڭناماعا سايكەس، جۇمىستان بوساتىلعان جۇمىسكەرلەر مىندەتتى الەۋمەتتىك ساقتاندىرۋ جۇيەسىنە قاتىسۋ وتىلىنە جانە سوڭعى 24 ايداعى تابىسىنا بايلانىستى 1 ايدان 6 ايعا دەيىن جۇمىسىنان ايىرىلۋى بويىنشا الەۋمەتتىك تولەمدەر الادى. تولەم جوعالعان كىرىستىڭ 45%-نا دەيىنگى مولشەردە ءماسق قاراجاتى ەسەبىنەن جۇزەگە اسىرىلادى.
تولەم تاعايىنداۋ ءۇشىن جۇمىستان بوساتىلعان جۇمىسكەرگە:
- eGov.kz پورتالىندا اۆتوريزاسيالانۋ؛
- «جۇمىسقا ورنالاستىرۋ جانە جۇمىسپەن قامتۋ» بولىمىندە «جۇمىس ىزدەۋشى ادامداردى تىركەۋ» قىزمەتىن تاڭداۋ؛
- ونلاين-قىزمەتكە تاپسىرىس بەرىپ، بارلىق جولداردى تولتىرۋ جانە وعان ەسق-مەن قول قويىپ، ءوتىنىمدى جىبەرۋ قاجەت؛
- ءبىر كۇن ىشىندە تۇرعىلىقتى جەرىڭىزدەگى مانساپ ورتالىعى (بۇدان ءارى – مو) بوس جۇمىس ورىندارىن ۇسىنادى؛
- ەگەر جۇمىس تابىلماسا، 3 جۇمىس كۇنى ىشىندە قاشىقتىقتان جۇمىسسىز مارتەبەسى بەرىلەدى (قاجەت بولعان جاعدايدا سىزگە مو قىزمەتكەرى قوسىمشا اقپارات جيناۋ ءۇشىن حابارلاسادى).
بۇل قىزمەتتى ونلاين رەجيمىندە ەلەكتروندى ەڭبەك بيرجاسى (enbek.kz) ارقىلى دا الۋعا بولادى.