اكادەميك ن. ج. باتپەنوۆ اتىنداعى ۇلتتىق عىلىمي تراۆماتولوگيا جانە ورتوپەديا ورتالىعىندا18 جاستاعى پاسيەنتتىڭ سول قولىنىڭ ءۇش ساۋساعىن ترانسپلانتاتتاۋ بويىنشا بىرەگەي ميكروحيرۋرگيالىق وپەراسيا جاسالدى.
جاراقات ەلەكترلىك ارانى پايدالانۋعا بايلانىستى جازاتايىم وقيعادان بولدى، دەپ حابارلايدى aqshamnews دەنساۋلىق ساقتاۋ مينيسترلىگىنە سىلتەمە جاساپ.
9 ساعاتقا سوزىلعان وپەراسيا حيرۋرگتاردان دالدىك پەن شەبەرلىكتى تالاپ ەتتى. سوڭعى وپەراسيالىق ميكروسكوپتى قولدانۋ ارقىلى دارىگەرلەر بولىنگەن ساۋساقتاردىڭ بارلىق زاقىمدالعان تامىرلارىن، نەرۆتەرىن، سىڭىرلەرىن جانە سۇيەك قۇرىلىمدارىن قالپىنا كەلتىردى. بۇل ەلەمەنتتەردىڭ شاعىن كولەمىنە جانە وپەراسيانىڭ جوعارى كۇردەلىلىگىنە قاراماستان، بارلىق دانەكەر تىندەر ءساتتى بىرىكتىرىلدى.
«بۇل وپەراسيا ءبىزدىڭ ورتالىقتا كورسەتىلەتىن مەديسينالىق كومەكتىڭ ەڭ جوعارى دەڭگەيىنىڭ جارقىن مىسالى بولىپ تابىلادى»، – دەپ اتاپ ءوتتى اكادەميك ن.ج. باتپەنوۆ اتىنداعى ۇعتوو ميكروحيرۋرگيا جانە قول جاراقاتى بولىمشەسىنىڭ مەڭگەرۋشىسى ماقسۇت يبرايەۆ - «زاماناۋي جابدىقتى پايدالانۋ جانە ءبىزدىڭ مامانداردىڭ جيناقتالعان تاجىريبەسى بىزگە ەڭ قيىن جاعدايلاردى ءساتتى شەشۋگە مۇمكىندىك بەرەدى».
بيىلعى جىلى بۇل ورتالىقتا جاسالعان قول ساۋساقتارىنىڭ ءارتۇرلى سەگمەنتتەرىن قايتا ترانسپلانتاتتاۋ بويىنشا ءساتتى وپەراسيا ەكەنىن اتاپ وتكەن ءجون. بارلىق الدىڭعى پاسيەنتتەر ترانسپلانتاتتالعان ساۋساقتاردىڭ قىزمەتىن تولىعىمەن قالپىنا كەلتىردى.