قورعانىس ءمينيسترىنىڭ ورىنباسارى گەنەرال-مايور شايح-حاسان جازىقبايەۆ فرانسيانىڭ قورعانىس مينيسترلىگى حالىقارالىق ىنتىماقتاستىق دەپارتامەنتىنىڭ باستىعى الەكساندر ەسكورسيامەن قورعانىس ۆەدومستۆولارىنىڭ ىنتىماقتاستىق ماسەلەلەرىن تالقىلادى، دەپ حابارلايدى aqshamnews.kz قورعانىس مينيسترلىگىنە سىلتەمە جاساپ.
ەكى ەل وكىلدەرىنىڭ نازارى بىتىمگەرلىك جانە ءبىلىم بەرۋ سالالارىنداعى ەكىجاقتى قاتىناستار توڭىرەگىندە بولدى. اتاپ ايتقاندا، بىتىمگەرلىك كونتينگەنتتەردى دايارلاۋدى جەتىلدىرۋ جانە وسى سالاداعى ءوزارا ىس-ارەكەتتى كەڭەيتۋ ءسوز بولدى.
تاراپتار بۇل باعىتتاعى بىرلەسكەن كۇش-جىگەر حالىقارالىق قاۋىپسىزدىك پەن تۇراقتىلىقتى قولداۋعا ىقپال ەتەتىنىن اتاپ ءوتتى.
ودان بولەك ءبىر كۇن بۇرىن الماتىدا فرانسۋز دەلەگاسياسى قورعانىس مينيسترلىگىنىڭ بىتىمگەرلىك وپەراسيالار ورتالىعىندا جانە «بىتىمگەر» وقۋ-جاتتىعۋ ورتالىعىندا بولعانىن اتاپ وتكەن ءجون. قوناقتار مەكەمەنىڭ قىزمەتىمەن، ينفراقۇرىلىمىمەن جانە دامۋ پەرسپەكتيۆالارىمەن تانىستى.