قازاقستان رەسپۋبليكاسىنىڭ پرەزيدەنتى 2025 جىلدى «جۇمىسشى ماماندىق جىلى» دەپ جاريالادى. بۇل شەشىم ەلدەگى ءوندىرىس سەكتوردى دامىتۋ، ەڭبەك نارعىنىنداعى سۇرانىسقا يە ماماندىقتارىنىڭ مارتەبەسىن ارتتىرۋ ماقساتىندا قابىلداندى.
جۇمىسشى ماماندىقتارى – قوعامنىڭ ىرگەتاسىن قۇرايتىن كاسىپتەر. زاماناۋي تەحنولوگيالار قانشالىقتى دامىعانىمەن، ەڭبەك ادامىنىڭ ورنى بولەك. اۆتوماتتاندىرىلعان جۇيەلەردىڭ وزىنە دە قىزمەت كورسەتۋ ءۇشىن بىلىكتى ماماندار قاجەت. وسى جۇيەلەردىڭ ۇزدىكسىز جانە ءقاۋىپسىز جۇمىس ىستەۋىن قامتاماسىز ەتەتىن ماماندار – ەلەكتريكتەر.
ەلەكتريكتەر – زاماناۋي قوعامنىڭ اجىراماس بولىگى جانە جۇمىسشى ماماندىقتاردىڭ ەڭ قاجەتتى سالالارىنىڭ ءبىرى. ەلەكتر ەنەرگياسى بۇگىنگى كۇنى تەك تۇرمىستىق قاجەتتىلىكتەردى قاناعاتتاندىرۋمەن شەكتەلمەيدى، سونىمەن قاتار تەحنوگيالاردىڭ، ءوندىرىس پەن قىزمەت كورسەتۋ سالالارىنىڭ نەگىزىن قۇرايدى.ەلەكتريك ماماندىعى جوعارى كاسىبي دايىندىقتى، تەحنولوگيالىق ءبىلىم مەن داعدىلاردى قاجەت ەتەتىن سالا. بۇل ماماندار ءقاۋىپتى جاعدايدا جۇمىس ىستەپ، جوعارى جاۋاپكەرشىلىك جۇكتەيدى.
ەلەكتريك ماماندارىنا قويىلاتىن تالاپتار دا از ەمەس. ولار تۇرمىستا جانە ونەركاسىپتە قولدانىلاتىن ەلەكتر جابدىقتاردىڭ قۇرىلىمىن، جۇمىسىن ءبىلۋ. سونىمەن قاتار ولاردىڭ سۇلبالارىن (سحەمالارىن) ءتۇسىنۋ قاجەت. ەلەكتر قۇرال – جابدىقتارمەن جۇمىس جاساعاندا قاۋىسىزدىك ەرەجەسى ءبىرىنشى ورىندا تۇرادى. اپاتتىق جاعدايدا جەدەل ارەكەت ەتۋ، زاماناۋي تەحنولوگيالاردى مەڭگەرۋ ءاربىر ەلەكتريكتەرگە قويىلاتىن تالاپتار.
مەملەكەت پەن قوعام تاراپىنان ەلەكتريكتەردى قولداۋ مەن دامىتۋعا ەرەكشە نازار اۋدارىلۋدا. ەلەكتريك ماماندىعىنا جاستاردى تارتۋ ءۇشىن جانە ساپالى ءبىلىم مەن تاجىريبە الۋعا مۇمكىندىك تۋدىرۋ ءۇشىن كوللەجدەردە جاڭا تەحنوگيالارمەن وقىتۋ ءدارىسحانالار مەن زەرتحانالار جابدىقتالۋدا. الماتى ەلەكترمەحانيكا كوللەدج بازاسىندا «ەلەكتر جانە ەلەكترومەحانيكالىق جابدىقتار» قۇزىرەتتىلىك ورتالىق حالىقارالىق بىرلەسكەن ىنتىماقتاستىق «Jancer HR academy» ءجشس-ى مەن نەمىس ءبىلىم بەرۋ ۇيىمدارىنىڭ قاتىسۋىمەن اشىلدى.
قۇزىرەتتىلىك ورتالىق – تەحنيكالىق جانە كاسىپتىك ءبىلىم بەرۋ سالاسىنداعى جاڭا دەڭگەيگە كوتەرىلگەن شەبەرحانالار. زەرتحانالىق ءدارىسحانالار ەلەكتريكتەردىڭ بىلىمدەرىن ءىس جۇزىندە قولدانۋعا، زامانۋي قۇرال- جابدىقتاردى مەڭگەرۋگە جانە ناقتى جۇمىس جاعدايلارىندا تاجىريبە جيناۋعا ارنالعان. سونىڭ ءبىرى «باسقارۋ جۇيەلەرىن اۆتوماتتاندىرۋ» زەرتحانالىق ءدارىسحانا. متب بيۋدجەتتەن تىس قاراجات ەسەبىنەن اەمك" كمقك مەن "Smart Light Group" ج ش س اراسىنداعى ىنتىماقتاستىق جانە ءوزارا ءىس-قيمىل تۋرالى مەموراندۋمعا قول قويىلىپ، "Smart Light Group" ج ش س كوللەدج شەبەرحاناسىندا زەرتحانالىق ءدارىسحانانى «اقىلدى ءۇي» زامانۋي قۇرالدارىمەن جابدىقتاپ بەردى. ەلەكتريك ماماندىعى تەك سىمداردى ورناتۋمەن شەكتەلمەيدى، سونىمەن قاتار «اقىلدى» جۇيەلەردى ورناتۋ باعدارلامالاۋ جانە باسقارۋ بويىنشا مامانداردى دايارلاۋعا باعىتتالعان. زەرحانالىق ءدارىسحانادا «اقىلدى ءۇي» جۇيەلەرىن ورناتۋ، اۆتوماتتاندىرۋ جۇيەلەرىن ورناتۋ، اۆتوماتتاندىرۋ جۇيەلەرىن باعدارلامالاۋ جانە باسقارۋ وقىتىلادى.
ەلەكتريكتەر – جۇمىسشى ماماندىقتاردىڭ ىشىندەگى ەڭ ماڭىزدى جانە جاۋاپتى سالا وكىلدەرى. ولاردىڭ ەڭبەگى – قوعامنىڭ قاۋىپسىزدىگى مەن تۇراقتىلىعىنىڭ نەگىزى. ەلەكتريك ماماندىعىن قولداۋ، دامىتۋ – ەلدىڭ الەۋمەتتىك جانە ەكونوميكالىق دامۋىنا قوسىلعان ۇلەس. ەلەكتريك – زامانۋي قوعامنىڭ نەگىزىن قۇرايتىن، كورىنبەيتىن قاھارمانداردىڭ ءبىرى.
توقتىمانوۆا ايناش نۇرمۇحانبەت قىزى (پەداگوگ-زەرتتەۋشى)،
الماتى ەلەكترمەحانيكالىق كوللەدجى
ارنايى پاندەر وقىتۋشىسى