قوستانايدا وقۋشىلارعا ارنالعان «مەنىڭ بولاشاق ماماندىعىم» جوباسى ىسكە قوسىلدى
قوستانايدا «جۇمىسشى ماماندىقتار جىلى» اياسىندا 6–8 سىنىپ وقۋشىلارىنا ارنالعان كاسىبي باعدار بەرۋ جوباسى – «مەنىڭ بولاشاق ماماندىعىم» ىسكە قوسىلدى. جوبانىڭ نەگىزگى ماقساتى – جاسوسپىرىمدەردى وندىرىستىك سالامەن تانىستىرۋ، ماماندىقتى سانالى تۇردە تاڭداۋعا باعىت بەرۋ جانە جۇمىسشى ماماندىقتارىنىڭ ماڭىزىن ارتتىرۋ، دەپ حابارلايدى aqshamnews.kz
جوبانىڭ ەرەكشەلىگى
جوبا اياسىندا 20–25 ماۋسىم ارالىعىندا وقۋشىلار:
- ايماقتاعى 12 جەتەكشى كاسىپورىنعا (سونىڭ ىشىندە «اگروماشحولدينگ KZ»، «Allur»، ERG، «مەحليتكوم»، «بك-ستروي»، «قازاقتەلەكوم»)
- 11 تەحنيكالىق جانە كاسىپتىك كوللەدجگە (قوستاناي، ءجىتىقارا، ليساكوۆ، رۋدنىي قالالارىنداعى جەتەكشى كوللەدجدەرگە) ەكسكۋرسيا جاسايدى.
بۇل ءىس-شارالار وقۋشىلاردىڭ وندىرىستىك ۇدەرىستەرمەن جانە زاماناۋي جۇمىس ورىندارىمەن جاقىن تانىسۋىنا مۇمكىندىك بەرەدى.
ناقتى ماقساتتار:
- وقۋشىلاردىڭ ماماندىقتارعا قىزىعۋشىلىعىن ارتتىرۋ
- تەوريالىق ءبىلىمنىڭ پراكتيكادا قولدانىلۋىن كورسەتۋ
- كاسىپتىك باعدار بەرۋ جانە ەڭبەككە قۇرمەت سەزىمىن قالىپتاستىرۋ
قوسىمشا شارالار:
- تاجىريبەلى مامانداردان شەبەرلىك ساباقتارى
- بەيىمدىلىكتى انىقتاۋعا باعىتتالعان تاپسىرمالار مەن بايقاۋلار
- اقپاراتتىق ماتەريالدار، ەستەلىك سىيلىقتار جانە ماراپاتتار
ۇيىمداستىرۋشىلار پىكىرى:
«بالالار مەكتەپ قابىرعاسىنان ءوز بولاشاعىن ەلەستەتە الۋى ءتيىس. ناقتى ءوندىرىستى كورۋ – ولاردىڭ كاسىبي تاڭداۋىنا سەنىمدى باعىت بەرەدى»، – دەپ اتاپ ءوتتى ۇيىمداستىرۋشىلار.
«مەنىڭ بولاشاق ماماندىعىم» جوباسى ءوڭىردىڭ كادرلىق الەۋەتىن نىعايتۋعا جانە جۇمىسشى ماماندىقتارىنىڭ بەدەلىن ارتتىرۋعا ۇلكەن ۇلەس قوسۋدا.