Mega Towers تۇرعىن ءۇي كەشەنىندەگى ليفت 25-قاباتقا سوعىلدى.
الماتىدا Mega Towers تۇرعىن ءۇي كەشەنىندەگى ليفت 25-قاباتقا دەيىن بار جىلدامدىقپەن كوتەرىلىپ، ءۇيدىڭ توبەسىنە سوعىلدى. سالدارىنان جاس جىگىت زارداپ شەكتى، دەپ حابارلايدى Almaty-akshamy.kz.
وقيعانىڭ ۆيدەوسى الەۋمەتتىك جەلىلەردە تارادى. بەلگىلى بولعانداي، وقىس وقيعا 29 ماۋسىم كۇنى ورىن العان.
«Mega Towers تۇرعىن ءۇي كەشەنىندەگى ليفت 25-قاباتقا سوعىلدى. وتباسىمىزبەن وسى تۇرعىن ءۇي كەشەنىندە 4-قاباتتان ليفتپەن تۇستىك. 1-قاباتقا تۇسكەندە مەنەن باسقاسىنىڭ ءبارى شىقتى. ەسىكتەر جابىلماستان، ليفت جىلدام جوعارى كوتەرىلە باستادى. جوعارىدا بىرەۋ شاقىرىپ، ەسىكتى جاپپاعان شىعار دەپ ويلادىم. ول 7-قاباتقا كوتەرىلىپ، ودان ءارى 25-قاباتقا دەيىن جىلدامدىعى ارتا ءتۇستى»،-دەپ جازدى ۆيدەو اۆتورى.
الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسى مەن ليفت جابدىقتارىن باسقارۋ ءبولىمىنىڭ ماماندارى اتالعان مەكەنجايعا بارىپ، ليفتكە ۆيزۋالدى تەكسەرۋ جۇرگىزگەن.
«وقيعانىڭ سەبەپتەرى ناقتىلانىپ جاتىر. ونىڭ ناتيجەلەرى بويىنشا ءتيىستى شارالار قابىلداناتىن بولادى»، - دەپ حابارلادى اكىمدىكتەگىلەر.
پوسموترەت ەتۋ پۋبليكاسيۋ ۆ Instagram