كلۋبتىڭ ەكس-باسشىسى جانە ەكى سىبايلاسى قاماۋعا الىندى.
«كاسپيي» فۋتبول كلۋبىنىڭ باسشىلىعى جاتتىعۋعا بولىنگەن 27 ملن تەڭگە قاراجاتتى جىمقىرعان، دەپ حابارلايدى aqshamnews.kz
باس پروكۋراتۋرانىڭ مالىمەتىنشە، بۇرىنعى باسشىسى ءوزىنىڭ 2 تانىسىمەن بىرگە، كۇش قولدانۋ ارقىلى كلۋبتىڭ قىزمەتكەرىن ايعاقتارىن وزگەرتۋگە ماجبۇرلەگەن. سونىمەن قاتار، 15 ملن تەڭگەنى قورقىتىپ الۋعا ارەكەتتەنگەن.
سىبايلاس جەمقورلىققا قارسى ءىس-قيمىل اگەنتتىگىنىڭ مالىمەتىنشە، سوڭعى التى جىلدا قازاقستانداعى فۋتبول كلۋبتارىنا بيۋدجەتتەن 200 ملرد تەڭگەدەن استام قارجى بولىنگەن. ونىڭ ىشىندە «استانا» فۋتبول كلۋبىنا بيۋدجەتتەن قارجىنىڭ تورتتەن ءبىر بولىگى نەمەسە 50،1 ملرد تەڭگە جۇمسالعان. كلۋب بۇل قارجىنىڭ 60%-دان استامىن، ياعني 33 ملرد تەڭگەنى ەڭبەكاقى تولەۋگە جۇمساپتى.