25 قاراشادا قولايسىز اۋا رايىنا بايلانىستى ەلىمىزدىڭ جەتى وبلىسىندا ەسكەرتۋ جاريالاندى، دەپ حابارلايدى Almaty-akshamy.kz "قازگيدرومەت" رمك-عا سىلتەمە جاساي وتىرىپ.
سينوپتيكتەر تۇندە جانە تاڭەرتەڭ تۇركىستان وبلىسىنىڭ سولتۇستىگىندە، تاۋلى ايماقتارىندا تۇمان بولاتىنىن بولجايدى. ءوڭىردىڭ سولتۇستىگىندە، تاۋلى اۋداندارىندا وڭتۇستىك باتىستان سوققان جەلدىڭ ەكپىنى 15-20 م/س قۇرايدى.
باتىس قازاقستان وبلىسىنىڭ سولتۇستىگىندە، ورتالىعىندا، وڭتۇستىك شىعىسىندا تۇمان بولادى دەپ كۇتىلەدى. ورال قالاسىندا تۇندە جانە تاڭەرتەڭ تۇمان تۇسەدى.
قاراعاندى وبلىسىنىڭ سولتۇستىگىندە قار جاۋادى. وبلىستىڭ سولتۇستىگىندە، شىعىسىندا، ورتالىعىندا بوران سوعىپ، كوكتايعاق بولادى. كۇندىز وبلىستىڭ ورتالىعىندا، سولتۇستىگىندە، شىعىسىندا وڭتۇستىكتەن باتىسقا ويىسا سوققان جەلدىڭ ەكپىنى 15-20 م/س قۇرايدى. قاراعاندىدا كوكتايعاق بولادى.
ۇلىتاۋ وبلىسىنىڭ سولتۇستىگىندە كوكتايعاق بولادى. وبلىستىڭ ورتالىعىندا، سولتۇستىگىندە باتىستان، سولتۇستىك باتىستان سوققان جەلدىڭ ەكپىنى 15-20 م/س قۇرايدى. جەزقازعاندا باتىستان، سولتۇستىك باتىستان سوققان جەلدىڭ ەكپىنى - 18 م/س.
كۇندىز شىعىس قازاقستان وبلىسىنىڭ باسىم بولىگىندە قار جاۋادى، وبلىستىڭ سولتۇستىك شىعىسىن قالىڭ قار باسادى. كۇندىز وبلىستىڭ سولتۇستىگىندە، شىعىسىندا بوران سوعادى. وبلىستىڭ سولتۇستىگىندە، شىعىسىندا وڭتۇستىك شىعىستان سوققان جەلدىڭ 15-20 م/س، كەي تۇستا 25 م/س جەتەدى. وسكەمەندە كۇندىز بوران سوعادى. كۇندىز وڭتۇستىك شىعىستان سوققان جەلدىڭ ەكپىنى - 15-20 م/س.
تۇندە سولتۇستىك قازاقستان وبلىسىنىڭ باسىم بولىگىندە قار جاۋادى، وبلىستىڭ وڭتۇستىگىن قالىڭ قار باسادى. وبلىستىڭ سولتۇستىگىندە، باتىسىندا، وڭتۇستىگىندە قار ۇشقىنداپ، بوران بولادى. وبلىستىڭ سولتۇستىگىندە، باتىسىندا، وڭتۇستىگىندە سولتۇستىك شىعىستان سوققان جەلدىڭ ەكپىنى 15-20 م/س قۇرايدى.
قىزىلوردا وبلىسىنىڭ ورتالىعىندا تۇمان تۇسەدى. قىزىلوردا قالاسىندا ازداپ تۇمان بولادى.