قازاقستان رەسپۋبليكاسىنىڭ پرەزيدەنتى بولىپ قايتا سايلانۋىنا بايلانىستى بۇگىن قاسىم-جومارت توقايەۆتىڭ اتىنا فرانسيا پرەزيدەنتى ەممانيۋەل ماكرون قۇتتىقتاۋ جەدەلحاتىن جولدادى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
فرانسيا پرەزيدەنتى ەممانيۋەل ماكرون قاسىم-جومارت توقايەۆقا جوعارى لاۋازىمدى قىزمەتتە تابىس تىلەدى.
– قازاقستان 2019 جىلدان بەرى ساياسي جانە ەكونوميكالىق جاڭعىرتۋ ۇدەرىسىن ءساتتى جۇزەگە اسىرىپ كەلەدى. مۇنى ءبىز زور قىزىعۋشىلىقپەن باقىلاپ وتىرمىز. ءسىزدىڭ قايتا سايلانۋىڭىز وسى ماڭىزدى ءىستىڭ قارقىنىن ساقتاۋعا جانە قازاقستان حالقىنىڭ مۇددەسى ءۇشىن ءوزىڭىز جاريالاعان رەفورمالاردى جۇزەگە اسىرۋعا مۇمكىندىك بەرەتىنىنە سەنىمدىمىن. ورتالىق ازياداعى وڭىرلىك ىنتىماقتاستىقتى نىعايتۋعا ەلەۋلى ۇلەس قوسىپ جۇرگەنىڭىزدەن حاباردارمىن. وسى جولدا ءسىزدى تولىققاندى قولدايمىن، – دەپ جازدى ەممانيۋەل ماكرون.