جۇمابەك تاشەنوۆكە ەسكەرتكىش قويىلدى

ەسكەرتكىشتىڭ اشىلۋىنا مەملەكەت جانە قوعام قايراتكەرلەرى مەن تاشەنوۆتىڭ ۇرپاقتارى قاتىستى.

استانادا مەملەكەت قايراتكەرى جۇمابەك تاشەنوۆكە ەسكەرتكىش قويىلدى، دەپ حابارلايدى Almaty-akshamy.kz 

ەسكەرتكىشتى نۇر-سۇلتان قالاسىنىڭ اكىمىنىڭ ورىنباسارى اسحات راسۋلوۆ، مەملەكەت قايراتكەرى، عالىم،مىرزاتاي جولداسبەكوۆ، قوعام قايراتكەرى ورالباي ابدىكارىموۆتەر اشتى.

«بۇگىن ءبىزدىڭ وتباسىمىز ءۇشىن ەرەكشە كۇن. اكەمىزدىڭ ەسكەرتكىشى اشىلدى. بۇل ەسكەرتكىش ءۇشىن قاسىم-جومارت كەمەلۇلىنا راحمەت. «اكەڭنىڭ ەڭبەگىن نەگە ناسيحاتتامايسىڭ؟» دەگەن ادامدار كوپ بولدى. ناعىز ەڭبەك سىڭىرگەن ادامدى حالىق ءوزى قۇرمەتتەيدى.  ءبىز اكەمىزدىڭ تەك اكە ەمەس، ناعىز پاتريوت بولعانىنا قۋانامىز. تۋعان جەرىندە تۇرعان ەسكەرتكىش قانداي كەرەمەت! بارشاڭىزعا راقمەت»، - دەدى سايان جۇمابەك ۇلى تاشەنوۆ.

جۇمابەك احمەت ۇلى تاشەنوۆ قازاق كسر-ى مينيسترلەر كەڭەسىنىڭ ءتوراعاسى بولعان. 20.03.1915 جىلى اقمولا وبلىسىندا  دۇنيەگە كەلىپ، 18.11.1986 جىلى شىمكەنت قالاسىندا دۇنيەدەن وزعان. مەملەكەت جانە قوعام قايراتكەرى، ەكونوميكا عىلىمىنىڭ كانديداتى.