الماتىداعى «Weekend Vibes»، «ۆوستوچنىي دۆور»، «Chechil Pub» كافەلەرى جانە «JAM» بارى كارانتين تالاپتارىن ورىنداماي جۇمىس ىستەگەن.
الماتىدا ەكى كۇن ىشىندە مەيرامحانا، كافە، بار، سۇلۋلىق سالونى، كومپيۋتەرلىك كلۋبتار مەن دۇكەندەردىڭ 25 يەسىنە ايىپپۇل سالىندى. مەگاپوليستە مونيتورينگتىك توپتاردىڭ كارانتيندىك تەكسەرۋلەرى جالعاسۋدا. مىسالى، 16 جانە 17 تامىزدا بوستاندىق پەن اۋەزوۆ اۋداندارىنداعى ەكى مەكەمە كارانتين تالاپتارىن بۇزعان، دەپ حابارلايدى almaty-akshamy.kz
ءتارتىپ ساقشىلارىنىڭ مالىمەتتەرى بويىنشا، 16 تامىزدان 17 تامىزعا قاراعان ءتۇنى بەلگىلەنگەن شەكتەۋلەردىڭ 13 زاڭ بۇزۋشىلىعى انىقتالدى. قۇقىق بۇزۋشىلاردىڭ قاتارىندا بوستاندىق اۋدانىنداعى «Weekend Vibes» كافەسى بار، وندا شامامەن 22.50 ساعاتتا، ياعني كارانتين كەزىندە رۇقسات ەتىلگەن جۇمىس ۋاقىتىنان كەيىن كافەدە 40 ادام بولعان.
شامامەن وسى ۋاقىتتا تەكسەرۋشىلەر «ۆوستوچنىي دۆور» كافەسىندە دە زاڭ بۇزۋشىلىقتى تىركەدى، وندا 40-قا جۋىق ادام بولدى. كەلەسى كۇنى تەكسەرۋلەر جالعاسىپ، 17 تامىزدا بوستاندىق اۋدانىندا شامامەن 23.28 ساعاتتا «JAM» بارىندا جۇمىس رەجيمىنىڭ بۇزىلۋى تىركەلدى. تەكسەرۋشىلەردىڭ ءموبيلدى توبى كەلگەندە بار ىشىندە 40-قا جۋىق ادام بولعان. سول كۇنى كەشكى ساعات 22.43 شاماسىندا شاعىناۋداندا «Chechil Pub» كافەسى كارانتين تالاپتارىن بۇزىپ 50 ادامعا قىزمەت كورسەتكەن.
الماتى قالاسىنىڭ باس سانيتارلىق دارىگەرىنىڭ تالاپتارىن ورىنداماعانى ءۇشىن بۇل مەكەمەلەردىڭ يەلەرى اكىمشىلىك جاۋاپكەرشىلىككە تارتىلادى.
ەپيدەميولوگتاردىڭ ايتۋىنشا، جاسىرىن كەشتەردە، جابىق جەرلەردە ۋاقىت وتكىزۋ ارقىلى قالا تۇرعىندارى وزدەرىنە جانە اينالاسىنداعىلارعا ءقاۋىپ توندىرەدى. ايتا كەتەرلىگى، مەكەمەلەردە مۇنداي زاڭسىزدىقتارعا دەر كەزىندە تويتارىس بەرىلەدى. مىسالى، وتكەن اپتادا مونيتورينگتىك توپتار 1000-عا جۋىق نىساندى تەكسەرىپ، 124 بۇزۋشىلىقتى انىقتادى.
ەسكە سالساق، الماتىدا قويۋ قىزىل ايماققا شەكتەۋ شارالارى 1 قىركۇيەككە دەيىن ۇزارتىلدى. سونىمەن قاتار، قالا قوعامدىق كولىكتەردە ماسكا رەجيمىنىڭ ساقتالۋىن باقىلاۋدى جالعاستىرۋدا. ايدىڭ باسىنان بەرى اۆتوكولىك كومپانيالارىنىڭ باقىلاۋ توپتارى مىڭنان استام اۆتوبۋستى تەكسەرىپ، ونداعان ءتارتىپ بۇزۋشىلاردى انىقتادى.
17 تامىزدا قوعامدىق كولىكتەگى كارانتيندىك رەجيمدى ساقتاۋ بويىنشا الاڭنان تىس شارا ۇيىمداستىرىلدى. الماتى قالاسىنىڭ قوعامدىق كولىكتەرىندە بەتپەردە رەجيمىن ساقتاماعانى ءۇشىن 105 اۆتوبۋستا جۇرگىزىلگەن تەكسەرۋ ناتيجەلەرى بويىنشا ق ر اقبتك 1ء-بولىمىنىڭ 425-بابى بويىنشا 17 جولاۋشىعا قاتىستى اكىمشىلىك حاتتامالار جاسالدى. ينسپەكتورلار اۆتوبۋس جولاۋشىلارىن بەتپەردە كيۋگە كوندىرەدى، سەبەبى بۇل ينفەكسيا ءقاۋپىن ازايتادى. نازار اۋدارىڭىز، الماتىلىق ەپيدەميولوگتاردىڭ مالىمەتى بويىنشا، قوعامدىق كولىكتەر ينفەكسيانىڭ نەگىزگى بەس جەرىنىڭ ءبىرى بولىپ تابىلادى جانە 17،6% جاعدايدى قۇرايدى.
سونىمەن قاتار، قالادا «سيمپتوماتيكالىق» ناۋقاستاردىڭ ۇلەسى 94%-عا دەيىن ءوستى.
تەكسەرۋشىلەر اۆتوبۋس جولاۋشىلارىنا بەتپەردە تاعۋ مىندەتتى ەكەنىن، بۇل ينفەكسيا ءقاۋپىن ازايتاتىنىن تۇسىندىرۋدە. ايتا كەتەرلىگى، الماتىلىق ەپيدەميولوگتاردىڭ مالىمەتى بويىنشا، قوعامدىق كولىكتەر ينفەكسيا جۇقتىرۋدىڭ نەگىزگى بەس ورنىنىڭ ءبىرى بولىپ تابىلادى جانە جۇقتىرۋ مۇندا 17،6%-دى قۇرايدى.