ۇلىبريتانيالىق دەرماتولوگتار قاۋىمداستىعىنىڭ پرەزيدەنتى تانيا بلەيكەر ادامنىڭ تىرناعى ارقىلى بۇرىن كوروناۆيرۋس جۇقتىرعانىن انىقتاۋعا بولاتىنىن ايتتى، دەپ حابارلايدى almaty-akshamy.kz
The Sun باسىلىمىنىڭ حابارلاۋىنشا، اۋرۋ كەزىندە تىرناق ءوسۋىن توقتاتادى. ماماننىڭ ايتۋىنشا، ەكى-ۇش اپتادان كەيىن تىرناق پلاستينالارىندا ۇساق ويىقتار جانە ميسا سىزىقتارى دەپ اتالاتىن ايقىن، اقشىل كولدەنەڭ سىزىقتار پايدا بولادى. بۇل بەلگىلەر بەزگەك جانە ليمفوما سياقتى جۇقپالى اۋرۋلار كەزىندە دە كورىنۋى مۇمكىن.
سونداي-اق COVID-19 ناۋقاستارىندا تىرناق ءتۇبىنىڭ قىزارۋ جاعدايلارى تىركەلدى. بۇل ۇساق تامىرلاردىڭ قابىنۋى سالدارى بولۋى مۇمكىن.
اۋرۋدىڭ تاعى ءبىر بەلگىسى اۋرۋدان كەيىن تىرناقتىڭ ۇشى سارعىش بولۋى مۇمكىن. بۇل سيمپتوم كوروناۆيرۋس جۇقتىرعان ەگدە جاستاعى ايەلدە بايقالدى. تىرناق ءتۇسىنىڭ وزگەرۋى دياگنوز قويىلعاننان كەيىن 16 اپتادان سوڭ پايدا بولدى. قولداعى تىرناق شامامەن التى اي ىشىندە مۇلدەم وزگەرەدى.