مەملەكەتتىك رامىزدەر كۇنى قارساڭىندا كوك تۋىمىز بەن ەلتاڭبامىزدىڭ اۆتورلارى ۇلىقتالدى، دەپ حابارلايدى Almaty-akshamy.kz
شاكەن نيازبەكوۆتىڭ تۋعانىنا 85 جىل تولۋىنا وراي بۇگىن ليەۆ گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ قابىرعاسىندا رەسپۋبليكالىق عىلىمي-تاجىريبەلىك كونفەرەنسيا ءوتتى. شاراعا مەملەكەتتىك ەلتاڭبا اۆتورى جانداربەك مالىبەكوۆ تە قاتىستى. كورنەكتى ساۋلەتشى ءارى پروفەسسور ەلتاڭبا ىشىندەگى كەسكىندەر مەن بولشەكتەردىڭ نەنى بىلدىرەتىنىن ءتۇسىندىردى. ۋنيۆەرسيتەت جانىنداعى زاماناۋي زەرتتەۋلەر ينستيتۋتىنىڭ ديرەكتورى گەرالديست مۇحيت-ارداگەر سىدىقنازاروۆ تا كەلۋشىلەرگە ءوز سالاسىنا قاتىستى تىڭ مالىمەتتەر بەردى. كونفەرەنسياعا قوعام قايراتكەرلەرى، عىلىمي ينتەللەگەنسيا جانە شىعارماشىلىق زيالى قاۋىم وكىلدەرى كەلدى،-دەپ جازدى «حابار 24».
- قولا داۋىرىندەگى بوتاي زامانى. العاش رەت جىلقىنى قولعا ۇيرەتكەن قازاق. سوندىقتان سولاردى ءبىلدىرسىن دەپ ءبىزدىڭ ەلتاڭبادا تۇرعان اتتار، تۇلپارلار سودان كەلىپ شىعىپ جاتىر. سوندىقتان گەربتىڭ ىشىندەگى بارلىعى – ءبىزدىڭ مادەنيەتىمىز بەن داستۇرىمىزدەن تۋىنداعان ەلەمەنتتەر. مىسالى، ىشىندە قوشقار ءمۇيىز تۇر. ول بەكەر تۇرعان جوق. شاڭىراعىڭ بيىك، كەرەگەڭ كەڭ، بوساعاڭ بەرىك بولسىن! - دەدى قازاقستان رەسپۋبليكاسى مەملەكەتتىك ەلتاڭباسىنىڭ اۆتورى جانداربەك مالىبەكوۆ