توقتى (21.03 – 20.04) اپتا شىعارماشىلىق پەن جاڭا يدەيالارعا تولى. ايىڭىز وڭىنان تۋادى. ارىپتەستىكتىڭ جاڭا قىرلارى اشىلىپ، قىزمەتتە جوعارىلاۋىڭىز مۇمكىن. جانۇياڭىزعا دا كوپ كوڭىل ءبولىپ، جۇمىس پەن وتباسى ماسەلەسىن ۇيلەستىرىڭىز.
تورپاق (21.04 – 21.05) بۇل كۇندەرى سىزگە كوبىرەك ىزدەنۋگە تۋرا كەلەدى. ارماندارىڭىزدىڭ ورىندالۋى جولىندا اسىعىپ-اپتىعۋدىڭ قاجەتى شامالى. سابىرمەن، اقىلمەن ارەكەت ەتۋگە داعدىلانىڭىز. ءبارى وزىڭىزگە بايلانىستى. الدا تاماشا كۇندەر كۇتەدى.
ەگىزدەر (22.05 – 21.06) وسى اپتا ءسىز ءۇشىن توسىن سىيلارعا تولى بولماق. ءوز سەزىمدەرىڭىزدى باعالاعان ءجون. جۇرەگىڭىزگە كوبىرەك قۇلاق ءتۇرىڭىز. قانداي دا ءبىر ۇسىنىسى بولىپ جاتسا، باس تارتپاڭىز. ويتكەنى، ءقازىر ءبارى جاقسى بولعانىمەن، كەيىن وكىنۋىڭىز مۇمكىن.
شاياندار (22.06-22.07) الدىڭعى كۇندەرى ءوزىڭىزدى جولاۋشىداي سەزىنەسىز. قاربالاسقا تولى كۇن. ەشكىمنەن ەشتەڭەنى جاسىرماعان ءجون. جەكە باسىڭىزعا قاتىستى كەلەڭسىز وقيعالارعا تاپ بولۋىڭىز مۇمكىن. ءبىراق ابىرجىماي، شىندىعىن ايتىڭىز.
ارىستان (23.07 – 21.08) تۇرمىس جاعدايىڭىز جاقسارىپ، كوڭىل كۇيىڭىز ءبىر قالىپقا تۇسەدى. ءبىراق ءسىزدىڭ مۇمكىندىكتەرىڭىز بۇدان دا مول تابىسقا كەنەلۋىڭىزگە جەتەرلىك. ىسكەرلىك الەمىندە كەزدەسكەن جاڭا جوبالاردان باس تارتپاڭىز. جەمىسىن كەيىن ەسەلەپ قايتارادى.
بيكەش (22.08 – 23.09) سىزگە ءسال دە بولسا تىنىعاتىن كەز كەلدى. قيىن سىناقتار ارتتا قالدى دەي بەرىڭىز. دەگەنمەن، ءبىراز ماسەلە شەشىلمەگەن كۇندە وعان بولا مازاڭىز كەتپەيدى. ءبىراق ءسىز كۇشتى سىناقتان ءوتىپ، شىندالدىڭىز. سوندىقتان دا كوپتەگەن بيكەشتەردىڭ ءومىرى وزگەرەدى. ءوز ءومىرىڭىز جايلى ەشكىمگە ءتىس جارمايتىن بولاسىز.
تارازى (24.09 – 23.10) وسى اپتادا كوپ كۇش جۇمساعان جۇمىستان بالەندەي ناتيجە كورمەيسىز. «مىنە، ەندى شەشىلەدى» دەگەن نارسەڭىز تاعى دا ءباز-باياعى قالپىنا تۇسەدى. وزگەنىڭ ۋادەسىنە سەنە بەرمەڭىز. ءتىپتى، ەڭ سەنىمدى دەگەن سەرىكتەسىڭىزگە دە سەنىم ارتپاڭىز. ويتكەنى، كوپ نارسەدەن كوڭىلىڭىز قالادى. كوپ ەڭبەكتەنۋگە تۋرا كەلەدى. كەز كەلگەن نارسەگە قارجى قۇيۋعا دايىن بولىڭىز.
سارىشايان (24.10 – 22.11) بۇل كۇندەرى بىرلەسىپ ىستەگەن جۇمىس جەمىسىن بەرەدى. ورتاق ماقسات، شارۋا مىندەتتەر قىزىقتى بولماق. شىعارماشىلىق الەۋەت جوعارى دەڭگەيدە. ءسىزدىڭ ءومىرىڭىز ماڭىزدى بەتبۇرىس، وزگەرىستەر ىقپالىندا تۇر. ساۋىردە ماتەريالدىق جاعدايىڭىز جاقسارادى.
مەرگەن (23.11 – 21.12.) دەمالىس كۇندەرىن دوستارىڭىزبەن، تۋىستارىڭىزبەن ءجيى كەزدەسۋگە ارناڭىز. سول ۋاقىتقا قاراي تۇرمىس جاعدايىڭىز ءبىرشاما رەتتەلىپ قالۋى دا مۇمكىن. قارجى ماسەلەسى ءوزىڭىزدىڭ باقىلاۋىڭىزدا بولماق. جەكە ومىردە قاسىڭىزداعى ادامنىڭ تۇسىنىستىگى مەن قولداۋى سىزگە قاجەت.
تاۋەشكى (22.12 – 20.01) بۇل كۇندەرى كوزقاراسىڭىزدى وزگەرتكىڭىز كەلمەيدى. ءوزىڭىزدىڭ پايىمداۋىڭىزدى ءارقاشان العا قوياسىز. اينالاڭىزداعى ادامدارعا كۇدىكپەن قارايسىز. وسىنىڭ اسەرىنەن ءوزىڭىز عانا جاپا شەگىپ، قينالۋىڭىز ابدەن مۇمكىن. جاڭا ءومىردىڭ ەسىگىن اشۋعا بولاتىن ءساتتى جىبەرىپ الماڭىز.
سۋقۇيعىش (21.01 – 18.02) وسى اپتادا ولجاعا كەنەلەسىز. مانسابىڭىز ءوسۋ ءۇشىن باسشىلىق تالابىن قابىلداپ، قۇرمەتتەۋدى ۇيرەنۋىڭىز كەرەك. ال ارتىق ەموسيالار قولايسىز جاعدايعا اكەلۋى مۇمكىن. جاعىمسىز ەموسيالاردى ىشىڭىزدە ساقتاۋعا تىرىسپاڭىز، دەگەنمەن قاسىڭىزداعى سەرىكتەسىڭىزگە اشۋىڭىزدى كورسەتپەگەنىڭىز ابزال.
بالىقتار (19.02 – 20.03) ءساۋىر ايىندا مامانعا جۇگىنىپ نەمەسە ەڭ بولماعاندا جاقىن دوسىڭىزبەن سويلەسكەنىڭىز دۇرىس. وسىلايشا جۇلدىز بەلگىسى قاجەتسىز ۋايىمنان قۇتىلىپ، جاقىن جاندارمەن جىلى قارىم-قاتىناستارىڭىزدى ساقتاي الاسىز.
ازىرلەگەن اقتولقىن عالىمعازى قىزى