توقتى (21.03– 20.04) وكپە-رەنىشتەردەن تازاراتىن اپتا. تاعدىر سىزگە جاقسى كوڭىل-كۇي سىيلاپ، قۋانىشتى جاڭالىقتار اكەلەدى. ويىڭىز دا، كەلبەتىڭىز دە جاقسارادى. ماقساتىڭىز ايقىن بولسا، ارمانداعان دۇنيەلەرگە قول جەتكىزەسىز. جۇمىستا سىزگە تاۋەلدى نەمەسە سىزبەن بىرگە ىستەيتىن ادام ءبىراز شۋ شىعارۋى مۇمكىن. قولىڭىز تيمەي، قاۋىرت جۇمىس كوپ بولماق. ەرىگۋگە ۋاقىت قالمايدى. وسىنداي ساتتەردە تۇرمىستاعى ماسەلەلەرگە اباي بولعانىڭىز ءجون.
تورپاق (21.04 – 21.05) بۇل اپتا ءسىز ءۇشىن سىناق ۋاقىتى بولماق. ماتەريالدىق جاعدايىڭىزدا قيىندىقتار تۋىندايدى. جاقىندارىڭىزعا سىيلىقتار الىپ، قارىزدانۋىڭىز ابدەن مۇمكىن. الايدا، وزىڭىزگە سەنىمدىلىك جيناپ جولىڭىزدا كولدەنەڭ تۇرعان ماسەلەنىڭ باسىن اشىڭىز. جاقىن ادامىڭىزبەن الىس ساپارلارعا شىعىڭىز. وسىلايشا جەكە ومىرىڭىزدە قۋانتارلىق جاعدايلار كوبەيەرى ءسوزسىز.
ەگىزدەر (22.05 – 21.06) ناۋرىز ايىنىڭ سوڭعى كۇندەرى ۇيرەنشىكتى دۇنيەدەن باس تارتاسىز. ارالاساتىن ادامدارىڭىزدىڭ شەڭبەرى وزگەرەدى. ادامدارعا، جۇمىسقا عانا ەمەس، سونىمەن بىرگە ءومىر سالتىنا ۇستانىمىڭىز وزگەرەدى. اسپاي-ساسپاي كوپ نارسەنى ويلانىپ، دەمالۋعا كوڭىل بولەسىز.
شاياندار (22.06-22.07) جۇمىس كۇندەرى قولىڭىزعا قوماقتى قارجى تۇسەدى. جۇمىسىڭىزدىڭ ارقاسىندا باي-قۋاتتى ادامدارمەن قاتار جۇرەسىز. كاسىبي سالادا قىزىقتى ادامدارمەن تانىساسىز. بۇرىنعى تانىسىڭىزبەن تابىستى شارت جاسايسىز. تارتىمدى ادامدارمەن كەزدەسۋ كۇتىلۋدە.
ارىستان (23.07 – 21.08) اپتا باسىندا باسەكەلەستەرىڭىزگە قارسىلىق تانىتۋعا ءماجبۇرسىز. ءوزىڭىز ۇزاق كۇتكەن جۇمىسپەن اينالىسۋ مۇمكىن بولمايدى. اينالاڭىزداعى ادامدارعا تالاپ كوپ بولماق. ساپار جوسپارلايسىز. ءبىراق تۋىنداعان جاعدايلار ساپاردى ىسكە اسىرۋعا مۇمكىندىك بەرمەيدى. جەكە ومىردە تۇسىنىكسىز جاعداي ورنايدى.
بيكەش (22.08 – 23.09) سىزگە ءسال دە بولسا تىنىعاتىن ۋاقىت جەتتى. قيىن سىناقتار ارتتا قالدى دەي بەرىڭىز. دەگەنمەن، ءبىراز ماسەلە شەشىلمەسە دە، ول مازاڭىزدى المايدى. ءبىراق ءسىز كۇشتى سىناقتان ءوتىپ، شىنىقتىڭىز. سوندىقتان دا كوپتەگەن بيكەشتەردىڭ ءومىرى وزگەرەدى. ءوز ءومىرىڭىز جايلى ەشكىمگە ءتىس جارمايتىن بولاسىز.
تارازى (24.09 – 23.10) وسى اپتادا كوپ كۇشىڭىزدى كەتىرگەن جۇمىستان بالەندەي ناتيجە كورمەيسىز. مىنە، ەندى شەشىلەدى دەگەن نارسەڭىز تاعى ءباز قالپىنا تۇسەدى. وزگەنىڭ ۋادەسىنە سەنە بەرمەڭىز. ءتىپتى، ەڭ سەنىمدى دەگەن سەرىكتەسىڭىزگە دە سەنىم ارتپاڭىز. ويتكەنى، كوپ نارسەدەن كوڭىلىڭىز قالادى. كوپ ەڭبەكتەنۋگە تۋرا كەلەدى. كەز كەلگەن نارسەگە قارجى قۇيۋعا دايىن بولىڭىز.
سارىشايان (24.10 – 22.11) بۇل كۇندەرى بىرلەسىپ ىستەگەن جۇمىس جەمىسىن بەرەدى. ورتاق ماقسات، شارۋا، مىندەتتەر، قىزىقتى بولماق. شىعارماشىلىق الەۋەت جوعارى دەڭگەيدە. ءسىزدىڭ ءومىرىڭىز ماڭىزدى بەتبۇرىس، وزگەرىستەر ىقپالىندا تۇر. ساۋىردە ماتەريالدىق جاعدايىڭىزدى جاقسارتاسىز.
مەرگەن (23.11 – 21.12.) دەمالىس كۇندەرىن دوستارىڭىز بەن تۋىستارىڭىزبەن ءجيى كەزدەسۋگە ارناڭىز. سول ساتتەردە تۇرمىس جاعدايىڭىز ءبىرشاما رەتتەلىپ قالۋى دا مۇمكىن. قارجى ماسەلەسى ءوزىڭىزدىڭ باقىلاۋىڭىزدا بولماق. جەكە ومىردە قاسىڭىزداعى ادامنىڭ تۇسىنىستىگى مەن قولداۋى سىزگە قاجەت بولماق.
تاۋەشكى (22.12 – 20.01) بۇل كۇندەرى كوزقاراسىڭىزدى وزگەرتكىڭىز كەلمەيدى. ءوزىڭىزدىڭ پايىمداۋىڭىزدى ءارقاشان العا قوياسىز. اينالاڭىزداعى ادامدارعا كۇدىكپەن قارايسىز. وسىنىڭ اسەرىنەن ءوزىڭىز عانا جاپا شەگىپ، قينالۋىڭىز ابدەن مۇمكىن. جاڭا ءومىردىڭ ەسىگىن اشۋعا بولاتىن ءساتتى جىبەرىپ الماڭىز.
سۋقۇيعىش (21.01 – 18.02) وسى اپتادا ولجاعا كەنەلەسىز. مانسابىڭىز ءوسۋ ءۇشىن باسشىلىقتى قابىلداپ، قۇرمەتتەۋدى ۇيرەنۋىڭىز كەرەك. ال ارتىق ەموسيالار جاعىمسىز جاعدايعا اكەلۋى مۇمكىن. جاعىمسىز ەموسيالاردى ىشىڭىزدە ساقتاۋعا تىرىسپاڭىز، دەگەنمەن قاسىڭىزداعى سەرىكتەسىڭىزگە دە اشۋىڭىزدى كورسەتپەگەنىڭىز ابزال.
بالىقتار (19.02 – 20.03) ءساۋىر ايىندا مامانعا جۇگىنىپ نەمەسە جاقىن دوسىڭىزبەن سويلەسكەنىڭىز دۇرىس. وسىلايشا جۇلدىز بەلگىسى قاجەتسىز ۋايىمنان قۇتىلىپ، جاقىن جاندارمەن قارىم-قاتىناستارىن ساقتايدى.
ازىرلەگەن اقتولقىن عالىمعازى قىزى