جۇك پويىزى جىلقىلاردى قاعىپ كەتتى

پويىز 24 مينۋت كىدىردى

جىل باسىنان بەرى كولىك پوليسەيلەرى تەمىرجولداردا قاۋىپسىزدىك ەرەجەلەرىن بۇزعانى ءۇشىن 6813 قۇقىق بۇزۋشىنى اكىمشىلىك جاۋاپكەرشىلىككە تارتتى، دەپ حابارلايدى Almaty-akshamy.kz.

 سونداي-اق پويىزداردىڭ شۇعىل تەجەلۋىنىڭ 288 فاكتىسى تىركەلدى، ونىڭ ىشىندە ادامداردىڭ بولۋى سەبەبىنەن – 62، ءۇي جانۋارلارىنىڭ تەمىرجول توسەمىندە بولۋىمەن بايلانىستى 182 جايت تىركەلگەن. 

كولىكتەگى پد اكىمشىلىك پوليسيا باسقارماسىنىڭ باستىعى داۋلەت مولداحانوۆتىڭ ايتۋىنشا، 25 ناۋرىزدا قوستاناي ستانسياسىنداعى جەلىلىك پوليسيا بولىمىنە تەمىربۇلاق – قوستاناي وڭتۇستىك ارالىعىندا جۇك پويىزىنىڭ ءماشينيسى تەمىرجولدا جىلقىلار بولعاندىقتان، شۇعىل تەجەۋ قولدانعانى تۋرالى حابارلاما كەلىپ ءتۇستى. سوقتىعىسۋدىڭ الدىن الۋ مۇمكىن بولماي، ءۇش جىلقىنى قاعىپ كەتتى.

جوسپارلانباعان پويىز تۇراعى 24 مينۋتتى قۇرادى.

«جەدەل ىزدەستىرۋ ءىس-شارالارى بارىسىندا جىلقىلاردىڭ يەسى انىقتالدى. ول قوستاناي وبلىسىنىڭ 40 جاستاعى تۇرعىنى بولىپ شىقتى. ق ر اقبتك-نىڭ 559-بابى 1-بولىگى بويىنشا اكىمشىلىك حاتتاما تولتىرىلىپ، 5 ايلىق ەسەپتىك كورسەتكىش مولشەرىندە ايىپپۇل سالىندى. ايتا كەتۋ كەرەك، جۇرگىزىلىپ جاتقان پروفيلاكتيكالىق ءىس-شارالاردىڭ ناتيجەسىندە اعىمداعى جىلدىڭ ءبىرىنشى توقسانىندا پويىزداردىڭ شۇعىل تەجەلۋىنىڭ سانى وتكەن جىلدىڭ ۇقساس كەزەڭىمەن سالىستىرعاندا 34%-عا تومەندەدى»، – دەدى د.مولداحانوۆ.