فرانسيادا كوروناۆيرۋستىڭ جاڭا تولقىنى باستالدى - ب ا ق

ەلدە كوروناۆيرۋس جۇقتىرۋ جاعدايلارىنىڭ ءوسىمى كۇرت كوبەيگەن

ەپيدەميولوگتار مۇنى COVID-19-دىڭ ونىنشى تولقىنى دەپ سانايدى، دەپ حابارلايدى Almaty-akshamy.kz inbusiness.kz-كە سىلتەمە جاساپ.

BFM TV تەلەارناسىنىڭ مالىمەتىنشە، وتكەن اپتادا ىندەتتى جۇقتىرۋدىڭ جالپى دەڭگەيى 26%-عا ءوستى، ال جەدەل جاردەم بولىمشەلەرىنە تۇسكەندەر 20%-عا وسسە، رەانيماسياعا جىبەرۋ ءبىر اپتا بۇرىنعىعا قاراعاندا 15%-عا جيىلەدى، دەپ حابارلايدى inbusiness.kz ينتەرفاكسقا سىلتەمە جاساي وتىرىپ.

جەنيەۆاداعى جاھاندىق دەنساۋلىق ينستيتۋتىنىڭ ديرەكتورى انتۋان فلاو ءوز كەزەگىندە تەلەارناعا كوروناۆيرۋستىڭ تارالۋى فرانسياعا عانا ەمەس، جالپى ەۋروپا ەلدەرىنە دە اسەر ەتكەنىن ايتتى.

ۆيرۋستىڭ كوبەيۋ كوەففيسيەنتى 1،2 قۇرايدى. R رەپرودۋكسيا يندەكسى - ءبىر ناۋقاستان ينفەكسيا جۇقتىرتۋى مۇمكىن ادامداردىڭ سانىن انىقتايتىن كورسەتكىش.

فرانسياداعى COVID-19 جاعدايىنىڭ كۇرت ناشارلاۋى زەينەتاقى رەفورماسىنا بايلانىستى حالىقتىڭ نارازىلىقتارى اياسىندا تىركەلىپ وتىر. وسىلايشا، جۇما، 17 ناۋرىزعا قاراعان ءتۇنى پاريجدە جانە فرانسيانىڭ ءبىرقاتار باسقا قالالارىندا تارتىپسىزدىكتەرگە ۇلاسقان زەينەتاقى رەفورماسىنا قارسى جاپپاي نارازىلىقتار بولدى.

Worldometer ستاتيستيكالىق سايتىنىڭ مالىمەتتەرى بويىنشا، فرانسيادا كوروناۆيرۋستىڭ تارالۋى كەزىندە 39،7 ميلليوننان استام ينفەكسيا تىركەلدى. 165 مىڭنان استام ادام قايتىس بولدى. سايتتىڭ مالىمەتىنشە، قازىرگى ۋاقىتتا فرانسيادا 119،6 مىڭ تۇرعىن اۋىرىپ جاتىر.