كورمە وتانعا دەگەن سۇيىسپەنشىلىكتى وياتادى
الماتىداعى ورتالىق مۋزەيدە 30 ناۋرىز، ساعات 15.00-دە «شىعارماشىلىق الاڭ» اتتى بالالاردىڭ سۋرەت كورمەسى اشىلادى، دەپ حابارلايدى Almaty-akshamy.kz.
قازاقستان رەسپۋبليكاسى مەملەكەتتىك ورتالىق مۋزەيىنىڭ مادەني-بىلىم بەرۋ قىزمەتىنىڭ ماڭىزدى باعىتتارىنىڭ ءبىرى بالالار شىعارماشىلىعىن قولداۋ جانە دارىپتەۋ بولىپ تابىلادى.
كورمەگە الماتى قالاسىنىڭ 100-دەن استام بالالار شىعارماشىلىعىن دامىتۋ جانە بەينەلەۋ ونەر ورتالىقتارىنىڭ وقۋشىلارى قاتىسىپ، بەينەلەۋ جانە ساندىك-قولدانبالى ونەر جانرداعى ءارتۇرلى جۇمىستارىن ۇسىنادى.
بالالاردىڭ كورمەگە قاتىسۋى ولارعا ەلىمىزدىڭ تاريحى، ونەرى مەن مادەنيەتىمەن تانىسۋعا، تۋعان جەرىنىڭ ۇلتتىق قۇندىلىقتارى، داستۇرلەرى مەن سۇلۋلىعى تۋرالى تۇسىنىكتەرىن كەڭەيتۋگە مۇمكىندىك بەرەدى، بۇل وتانعا، ءوز حالقىنا دەگەن سۇيىسپەنشىلىكتى وياتادى. سوندىقتان جاس سۋرەتشىلەر ءوز جۇمىستارىندا قورشاعان الەمگە، ەلدىڭ وتكەنى، بۇگىنى جانە بولاشاعى تۋرالى ءوز كوزقاراستارىن بىلدىرۋگە تىرىستى. بالالار قازاقستاننىڭ تاريحى، مادەنيەتى، تابيعاتىمەن بايلانىستى ءتۇرلى اسپەكتىلەر مەن سيۋجەتتەردى بەينەلەيدى. بۇل كوركەم پەيزاجدار، ادامداردىڭ پورترەتتەرى جانە ناتيۋرمورتتار، قالانىڭ كوشەلەرى مەن كورىكتى جەرلەرى، تاۋەلسىز مەملەكەتىمىزدىڭ رامىزدەرى.
جاس سۋرەتشىلەردىڭ يدەيالارى مەن شىعارماشىلىق نيەتتەرىن كورسەتەتىن كوركەمونەر مەكتەپتەرى مەن بەينەلەۋ ستۋديالارى وقۋشىلارىنىڭ اۆتورلىق جۇمىستارى ونەردىڭ ءارتۇرلى تەحنيكالارى مەن جانرلارىندا ورىنداعان.
كورمەگە ءارتۇرلى جاستاعى (5 جاستان 17 جاسقا دەيىن) وقۋشىلار مەن ءار ءتۇرلى كوركەمونەر مەكتەپتەرى، بالالاردىڭ شىعارماشىلىق ورتالىقتارى مەن بەينەلەۋ ستۋديالارى پەداگوگتارىنىڭ جۇمىستارى قويىلادى. بالالاردىڭ جۇمىستارى وتە كوركەم، اشىق، ەرەكشەلىگى مەن ءار الۋان بولعاندىعى سونداي، قورشاعان الەمگە دەگەن قۋانىشتى كوزقاراستارى مەن قيالدارى، ويلارى تاڭ قالدىرادى.
«شىعارماشىلىق الاڭ» اتتى كورمەسىندە بالالاردىڭ 100-دەن استام تۋىندىلار قويىلادى.
كورمە 2023 جىلدىڭ 12 ساۋىرىنە دەيىن جالعاسادى.