ىشكى ىستەر مينيسترلىگى ەسكەرتۋ جاسادى.
الاياقتار ەندى بەينەقوڭىراۋ ارقىلى نەسيە راسىمدەۋگە كوشتى، دەپ حابارلايدى Almaty-akshamy.kz
بەينەقوڭىراۋعا جاۋاپ بەرگەن جاعدايدا دەرەۋ 102 نومىرىنە حابارلاسۋ قاجەت. ىشكى ىستەر مينيسترلىگى WhatsApp-تىڭ بەينەقوڭىراۋلارى ارقىلى جاسالاتىن الاياقتىقتىڭ جاڭا ءتۇرى تۋرالى ەسكەرتتى.
الاياقتار WhatsApp مەسسەندجەرى ارقىلى بەينەقوڭىراۋ شالادى. ولارعا بىرەۋدىڭ اتىنا نەسيە راسىمدەۋگە قاجەتتى دەرەكتەردى الۋ ءۇشىن بىرنەشە سەكۋند تا جەتكىلىكتى.
"الاياقتار ادامنىڭ بەت-بەينەسىن ءتۇسىرۋ ءۇشىن بەينەقوڭىراۋ ارقىلى حابارلاسادى. ولار بەينەقوڭىراۋ كومەگىمەن ادامنىڭ بەت-الپەتىن كوشىرىپ، ءموبيلدى بانكينگتە تەكسەرۋدەن وتكەن جاعدايلار كەزدەسكەن. سوندىقتان بەيتانىس، اسىرەسە شەتەلدىك نومىرلەردەن كەلىپ تۇسكەن بەينەقوڭىراۋلارعا جاۋاپ بەرمەڭىز"، - دەيدى مينيسترلىك ماماندارى.