جامبىل وبلىسىنىڭ جۋالى اۋدانىندا اۋا رايىنىڭ ناشارلاۋىنا بايلانىستى تاراز قالاسىنان تۇركىستان وبلىسىنا قاراي، «الماتى-تاشكەنت» باعىتىنداعى رەسپۋبليكالىق ماڭىزى بار جولدىڭ جابىق ۋچاسكەسىندە (567 كم) جاپپاي جول-كولىك وقيعاسى بولدى، دەپ حابارلايدى اlmaty-akshamy.kz وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتىنە سىلتەمە جاساپ.
«قازۆتوجول» رەسپۋبليكالىق ماڭىزى بار اۆتوموبيل جولدارى ۇلتتىق وپەراتورىنىڭ مالىمەتتەرى بويىنشا، وقيعا «الماتى-تاشكەنت-تەرمەز» اۆتوجولىنىڭ بويىندا ساعات شامامەن 10:45 كەزىندە تاراز قالاسىنان 40 كم قاشىقتىقتا بولعان، شامامەن 15-20 كولىك سوقتىعىسقان. ايتا كەتەتىن ماسەلە، اتالعان جول بولىگىندە ساعات 10:00 مەن 10:30 كەزىندە كولىك قوزعالىسىنا ەنگىزىلگەن شەكتەۋ ۋاقىتشا الىنعان.
وبلىستىق توتەنشە جاعدايلار دەپارتامەنتىنىڭ مالىمەتىنشە، جەڭىل، جولاۋشىلار اۆتوبۋستارى جانە جۇك كولىگىمەن ب.مومىش ۇلى اۋداندىق اۋرۋحاناسىنا ءتۇرلى جاراقاتتارمەن 19 ادام جەتكىزىلگەن. ونىڭ بىرەۋى بالا. سونداي-اق، توتەنشە جاعدايلار دەپارتامەنتىنىڭ كۇشتەرى كولىك اراسىندا قىسىلىپ قالعان ادامداردى شىعارىپ، وزگە دە قۇتقارۋ جۇمىستارى جۇرگىزىلىپ جاتىر. قازا بولعاندار جوق.
ال، نۇرلىكەنت اۋىلىنىڭ مادەنيەت ۇيىندەگى جىلىتۋ پۋنكتىنە 39 ادام جەتكىزىلگەن، ونىڭ ىشىندە 8ء-ى بالا.
وقيعا ورنىندا تجد، پوليسيا، اپاتتار مەديسيناسى ورتالىعى، جەدەل مەديسينالىق كومەك اۋرۋحاناسى وكىلدەرى كومەك كورسەتىپ جاتىر.
وبلىس اۋماعىندا اۋا رايى جاعدايىنىڭ ناشارلاۋىنا بايلانىستى دەپارتامەنت بازاسىندا جەدەل شتابتىڭ جۇمىسى ۇيىمداستىرىلعان. پسيحولوگيالىق قولداۋ ءۇشىن سەنىم تەلەفونىنا بايلانىسۋعا بولادى.