تاۋلى جەردە، تاۋ بوكتەرىندە جانە جولدىڭ ءقاۋىپتى اۋماقتارىندا كوكتايعاقتىڭ الدىن الۋ ءۇشىن كوكتايعاققا قارسى ماتەريالدار سەبىلەدى.
قالا بويىنشا ءجۇرىس-تۇرىستى قامتاماسىز ەتۋ ءۇشىن الماتى قالاسىنىڭ كوممۋنالدىق قىزمەتى كۇشەيتىلگەن رەجيمگە اۋىستىرىلدى، دەپ حابارلايدى Almaty-akshamy.kz
ديسلوكاسيا ورىندارىندا 168 قۇم تاراتقىش كەزەكشىلىككە شىقتى. 436 بىرلىك ارنايى تەحنيكا مەن 1125 جۇمىسشى جۇمىلدىرىلدى.
154 بىرلىك شاعىن كولەمدى تەحنيكانىڭ كۇشىمەن تروتۋارلار مەن جالپى پايدالانىلاتىن ورىندار مەحانيكالاندىرىلعان تۇردە تازالانىپ، قوعامدىق كولىك ايالدامالارى مەن جەر ءۇستى وتكەلدەرىندە قار قولمەن كۇرەلىپ جاتىر.
اۋدان اكىمدىكتەرىندە جۇمىستى باقىلاۋ بويىنشا تاۋلىك بويى كەزەكشىلىك ۇيىمداستىرىلدى. ءۇي اۋلاسىنداعى قاردى كۇرەۋدە تۇرعىن ءۇي ينسپەكسياسى تۇرعىن ءۇي باسقارماسىنىڭ بارلىق تۇرىنە مونيتورينگ جۇرگىزەدى.