قازاقستانداعى كونستيتۋسيالىق رەفورما مەملەكەتتى حالىققا جاقىنداتىپ، مەملەكەتتىك ينستيتۋتتاردىڭ جۇمىس تيىمدىلىگىن ارتتىرادى.
بۇل تۋرالى كونستيتۋسيالىق رەفورما جونىندەگى كوميسسيانىڭ ءۇشىنشى وتىرىسىندا دەپۋتات اسحات راحيمجانوۆ مالىمدەدى، - دەپ حابارلايدى Aqshamnews.kz.
ونىڭ ايتۋىنشا، ۇسىنىلىپ وتىرعان وزگەرىستەر ءماتىندى عانا جاڭعىرتۋمەن شەكتەلمەيدى. اڭگىمە بيلىك اشىق ءارى قوعام الدىندا ەسەپ بەرەتىن، ال ينستيتۋتتار جەدەل ءارى ادىلەتتى جۇمىس ىستەيتىن جاڭا مەملەكەتتىك ارحيتەكتۋرا تۋرالى بولىپ وتىر. ەرەكشە نازار جاڭا پارلامەنتتىك مودەلگە كوشۋگە، ءبىر پالاتالى وكىلدى ورگان قالىپتاستىرۋعا جانە كەرى بايلانىستىڭ ورنىقتى تەتىكتەرىن قۇرۋعا اۋدارىلۋدا.
«ۇسىنىلىپ وتىرعان وزگەرىستەر – تەك ءماتىندى وزگەرتۋ ەمەس. بۇل – قوعامنىڭ ناقتى سۇرانىستارىنا بەرىلگەن جاۋاپ»، – دەپ اتاپ ءوتتى اسحات راحيمجانوۆ.
اسحات راحيمجانوۆتىڭ ايتۋىنشا، جۇرگىزىلىپ جاتقان وزگەرىستەر الەمدىك دەموكراتيالىق ۇدەرىستەرگە ساي كەلەدى جانە حالىقارالىق سوسيال-دەموكراتيالىق قاۋىمداستىقتىڭ قولداۋىنا يە. بۇل، ونىڭ سوزىنشە، قازاقستانداعى رەفورمالاردىڭ جاھاندىق دەموكراتيالىق ترانسفورماسيانىڭ ءبىر بولىگى رەتىندە قابىلدانىپ وتىرعانىن كورسەتەدى.
ءوز سوزىندە ول سونداي-اق قازاقستان رەسپۋبليكاسىنداعى كونستيتۋسيالىق رەفورمانى قولداۋعا ارنالعان سوسياليستىك ينتەرناسيونالدىڭ قارارىنىڭ نەگىزگى ەرەجەلەرىن وقىپ بەردى.