الماتى قالاسى الاتاۋ اۋدانى شاڭىراق-2 ىقشاماۋدانىندا ورنالاسقان №26 جالپى ءبىلىم بەرەتىن مەكتەپتە ءتىل مەرەكەسىنىڭ قارساڭىندا «مەنىڭ ءتىلىم – ۇلى دالا رۋحى» اتتى جاس ۇرپاقتى انا ءتىلىنىڭ قادىر-قاسيەتىن تۇسىنۋگە، مەملەكەتتىك ءتىل مارتەبەسىن كوتەرىپ، ءتىل تازالىعىن ساقتاپ، مادەنيەتتى سويلەۋگە تاربيەلەيتىن. ءىس-شارا ءوتتى.
شاراعا ت.جۇرگەنوۆ اتىنداعى ۇلتتىق ونەر اكادەمياسىنىڭ ستۋدەنتتەرى، ءال-فارابي اتىنداعى قازاق ۇلتتىق ۋنيۆەرسيتەتىنىڭ ستۋدەنتتەرى جانە مەكتەپ وقۋشىلارى قاتىستى. وقۋشىلار و.بوكەيدىڭ «قاسقىر ۇلىعان تۇندە» شىعارماسىن كورەرمەن نازارىنا ۇسىندى. مەكتەپ تۇلەگى يبراحيم بىرلىك م.ماقاتايەۆتىڭ «اتامەكەن» ولەڭىن وقىپ، مەكتەپ وقۋشىلارى اباي قۇنانبايەۆ، احمەت بايتۇرسىن ۇلى، ماعجان جۇمابايەۆ، مۇحتار شاحانوۆ بەينەلەرىن سومداپ، ءتىلدىڭ قاسيەتىن وقۋشىلار نازارىنا ۇسىندى.
كەشتى ۇيىمداستىرۋعا قازاق ءتىلى مەن ادەبيەتى ءپانى بىرلەستىگىنىڭ جەتەكشىسى نامازيمانوۆا ادەمى، قازاق ءتىلى مەن ادەبيەتى ءپانى مۇعالىمدەرى: جاقانوۆا نازىم، ەستەمەسوۆا ارايلىم، پرالييەۆا ينديرا، بەكجىگىتوۆ سەرىك، ابدانباي ءنازيرا بەلسەنە قاتىستى.