قازاقستاندىق رەجيسسەر ارۋان انارتايدىڭ «Joqtau» دەبيۋتتىك ءفيلمى Locarno Film Festival حالىقارالىق كينوفەستيۆالىنىڭ كونكۋرستىق باعدارلاماسىنا ەنىپ وتىر، دەپ حابارلايدى اlmaty-akshamy.kz.
شۆەيساريا كينوفەستيۆالى – ەڭ بەدەلدى فەستيۆالدەردىڭ ءبىرى جانە الەمدىك كينويندۋسترياداعى ىقپالى زور بەستىكتىڭ قاتارىندا.
لوكارنوداعى 77ء-شى كينوفەستيۆال 2024 جىلدىڭ 7-17 تامىزى ارالىعىندا وتەدى. بايقاۋعا تۇسكەن ءار فيلم بەس رەتكە دەيىن فەستيۆالدىڭ 10 الاڭىندا كورسەتىلەدى.
روۋد-مۋۆي جانرىنداعى فيلمدە قازاق دالاسى مەن ونىڭ تۇكپىرىنە ساپارعا شىققاندار تۋرالى باياندالادى. كەيىپكەرلەر ءتۇرلى وقيعالاردى باستان كەشىرىپ، ولاردىڭ ۇستانىمدارى مەن سەنىمى سىنالادى.
فيلمدەگى باستى رولدەردى قازاقستاننىڭ ەڭبەك سىڭىرگەن قايراتكەرى يسبەك ءابىلماجىنوۆ، كورەرمەنگە «قاش»، «پاتريوتتار ۋاقىتى»، «ساقتاۋشى» كارتينالارى ارقىلى تانىلعان، اتىشۋلى «ءداستۇر» فيلمىندە ويناعان ەرمەك شىنبولاتوۆ، سونداي-اق «Joqtau» ءفيلمى – مانسابىنداعى العاشقى جوبا بولعان اكتريسا يرينا بالكوۆا سومدايدى. .
«Joqtau» ءفيلمى ءۇشىن كومپوزيتور سانجار بايتەرەكوۆ قازاقتىڭ ۇلتتىق اسپابى قوبىزبەن ينسترۋمەنتالدى مۋزىكا جازدى.
فيلم قازاقستان رەسپۋبليكاسى مادەنيەت جانە اقپارات مينيسترلىگىنىڭ قولداۋىمەن تۇسىرىلگەن.
«Joqtau» دەبيۋتتىك ءفيلمى Locarno Film Festival حالىقارالىق كينوفەستيۆالىنىڭ كونكۋرستىق باعدارلاماسىنا ەندى
- اۆتور Almaty-akshamy.kz.
- 17:29، 11 شىلدە 2024
ق ر مادەنيەت جانە اقپارات مينيسترلىگى