اسكەري داعدىلاردى قالىپتاستىرۋ مەن جەتىلدىرۋ دەڭگەيىن ارتتىرۋ ءۇشىن جەرگىلىكتى اسكەري باسقارۋ ورگاندارىنىڭ شاقىرۋىمەن 29219 اسكەري بولىمىندە 120-دان اسا ادام قاتىسقان تىلدى قامتاماسىز ەتۋ ماماندارىنىڭ جيىنى ءوتتى، دەپ حابارلايدى اlmaty-akshamy.kz.
دايىندىق بارىسىندا تاجىريبەلى نۇسقاۋشىلاردىڭ باسشىلىعىمەن اسكەري مىندەتتىلەر اسكەري شارۋاشىلىقتى جۇرگىزۋ، تاماقتانۋدى ۇيىمداستىرۋ، كيىم-كەشەك زاتتارىمەن قامتۋ جانە تىلدى قامتاماسىز ەتۋدىڭ باسقا دا اسپەكتىلەرى بويىنشا وقۋدان ءوتتى. اسپازدار، ناۋبايشىلار، جانارماي جابدىقتارى مەن كيىم-كەشەك تىگىنشىلەرى، كىر جۋۋ جانە كيىم-كەشەك شەبەرحانالارىنىڭ باستىقتارى، ۆەتەرينارلىق فەلدشەرلەر مەن زەرتحاناشىلار سياقتى مامانداردى دايارلاۋعا ەرەكشە نازار اۋدارىلدى.
ق ر قارۋلى كۇشتەرى تىل باستىعى باسقارماسىنىڭ شتاب باستىعى پودپولكوۆنيك زاڭعار وماروۆ، ۇلى وتان سوعىسىنا قاتىسۋشى ۆاسيليي زينچەنكو جانە تىل ارداگەرلەرى اسكەري مىندەتتىلەردى وقۋدىڭ اياقتالۋىمەن قۇتتىقتادى. سالتاناتتى جاعدايدا جيىنعا قاتىسۋشىلارعا كەزەكتى اسكەري اتاق بەرىلىپ، العىس حاتتار تابىستالدى.
– جيىنعا قاتىسۋ ءبىز ءۇشىن جاقسى تاجىريبە بولدى. ءبىز ءبىلىمىمىزدى، ماشىعىمىزدى جەتىلدىرىپ، دەنە شىنىقتىرۋدى جاقسارتتىق، – دەدى زاپاستاعى لەيتەنانت ارتەم تۋمبايەۆ.
قارۋلى كۇشتەردە جاۋىنگەرلىك جانە جۇمىلدىرۋ دايىندىعىن ارتتىرۋ ماقساتىندا اسكەري جيىندار جىل سايىن وتكىزىلەدى. ال تىلدى قامتاماسىز ەتۋ سالاسىنىڭ ماماندارىن دايارلاۋ جونىندەگى جيىن العاش رەت ۇيىمداستىرىلىپ وتىر.