بىلتىر ەلورداداعى وقۋشىلار سارايىنا ءال-فارابي اتاۋى بەرىلگەن بولاتىن.
نۇر-سۇلتان قالاسىندا الەمنىڭ ەكىنشى ۇستازى ءابۋ-ناسىر ءال-فارابيدىڭ قۇرمەتىنە ەسكەرتكىش قويىلماق، دەپ حابارلايدى Almaty-akshamy.kz
قازاقپاراتتىڭ حابارلاۋىنشا، كورنەكتى تۇلعاعا قويىلاتىن ەسكەرتكىشكە قاتىستى اڭگىمە ەلوردانىڭ قالالىق ءماسليحات جانىنداعى قوعامدىق كەڭەس وتىرىسىندا ايتىلدى.
«2019 جىلى پرەزيدەنت اكىمشىلىگىنەن ەلوردادا ءال-فارابي، قۇرمانعازى، ج. تاشەنوۆ جانە تاعى باسقا تۇلعالارعا ەسكەرتكىش قويۋ تاپسىرماسى بەرىلدى. وتكەن جىلى پاندەمياعا بايلانىستى ال-فارابيگە ەسكەرتكىش ورناتۋ كەيىنگى شەگەرىلدى. ءقازىر ەسكەرتكىش دايىندالىپ جاتىر. جالپى بيىل ج. تاشەنوۆ پەن ت. بيگەلدينوۆكە ەسكەرتكىش قويۋعا قارجى ءبولىندى»، - دەدى نۇر-سۇلتان قالاسىنىڭ ستراتەگيالىق جانە بيۋدجەتتىك جوسپارلاۋ باسقارماسىنىڭ باسشىسى قايسار ماڭقارايەۆ.