سىناق ءساتتى وتكەن جاعدايدا ونى باسقا دا رەسپۋبليكالىق ماڭىزداعى تاسجولدارعا ورناتۋ كوزدەلىپ وتىر.
تەحنولوگيانى وتاندىق "Nur-Saylet" كومپانياسى ويلاپ تاپتى، ، دەپ حابارلايدى Almaty-akshamy.kz
"قازاۆتوجول"-دىڭ مالىمەتىنشە، جولعا مال شىققان جاعدايدا ەسكەرتۋ جاسايتىن تەحنولوگيا سىناقتان وتكىزىلە باستادى.
رەسپۋبليكالىق ماڭىزى بار "وسكەمەن-سەمەي" كۇرەجولىنىڭ 102 شاقىرىمىندا جانۋارلاردىڭ كەسىرىنەن بولاتىن جول اپاتتارىنىڭ الدىن الۋعا ارنالعان "قورعاۋ" اۆتونومدى جارىق-سيگنالدىق كەشەنى سىناقتان ءوتىپ جاتىر.
ماماندار بۇل تاجىريبەلىك-ەكسپەريمەنتتىك ۋچاسكەنى جولدىڭ ەكى جاعىندا مال شارۋاشىلىعى بولعان سوڭ تاڭدادى.
سىناقتان ءوتىپ جاتقان كەشەن زياتكەرلىك كوممۋنيكاسيا جۇيەسىنە نەگىزدەلگەن بىرنەشە قۇرىلعىدان (پوستتاردان) تۇرادى. بۇل تەحنولوگيانىڭ باستى ارتىقشىلىعى — كولىك جۇرگىزۋشىلەرى قاراۋسىز جايىلعان ءۇي جانۋارلارى كەنەتتەن جول بويىنا شىققان كەزدە ەسكەرتۋ سيگنالىن الادى. قۇرىلعى كۇندىز دە، تۇنگى ۋاقىتتا دا جۇمىس ىستەيدى.