قىرعىزستان مەن تاجىكستان شەكاراسىندا قارۋلى قاقتىعىس ورىن الدى

زارداپ شەككەندەر مەن جارالانعاندار جوق.

قىركۇيەكتىڭ 14 كۇنى قىرعىز-تاجىك شەكارا اۋماعىندا قارۋلى قاقتىعىس بولدى، دەپ حابارلايدى Almaty-akshamy.kz Kabar.kg سىلتەمە جاساپ.

باتكەن اۋدانىنىڭ بۇلاق-باشى جەرىندە قىزمەت اتقارۋ بارىسىندا قىرعىزستان مۇقك شق شەكارا جاساعى تاجىكستان مۇقك شق شەكارا جاساعىنا تاپ بولدى، ولار بۇرىن قول جەتكىزىلگەن ۋاعدالاستىقتاردى بۇزىپ، مەملەكەتتىك شەكارانىڭ سيپاتتالماعان ۋچاسكەسىندە جاۋىنگەرلىك پوزيسيانى باسىپ العان. 

قىرعىز تاراپىنىڭ اۋماقتى بوساتۋ تۋرالى زاڭدى تالاپتارىن ەلەمەي، تاجىك شەكاراشىلارى وق جاۋدىرعان، دەپ حابارلايدى قىرعىزستان مۇقك شق.

بۇعان جاۋاپ رەتىندە قىرعىزستان مۇقك شق شەكاراشىلارى دا قارۋ قولداندى. شەكارا جاساقتارى اراسىندا اتىس باستالدى، ونىڭ بارىسىندا تاجىك تاراپى مينومەت قولداندى.

الدىن الا مالىمەتتەر بويىنشا، قىرعىز تاراپىنان زارداپ شەككەندەر مەن جارالانعاندار جوق.

«قىرعىز رەسپۋبليكاسى ۇلتتىق قاۋىپسىزدىك مەملەكەتتىك كوميتەتىنىڭ باتكەن وبلىستىق دەپارتامەنتىنىڭ باستىعى پولكوۆنيك كىيالبەك تولونبايەۆ پەن ق ر ۇقك سوعدى وبلىستىق دەپارتامەنتىنىڭ باستىعى، گەنەرال-مايور ح.پيراكزودا اراسىندا تەلەفون ارقىلى سويلەسۋلەر بولدى. ولار قاقتىعىستىڭ ورشۋىنە جول بەرمەۋ جولدارىن تالقىلادى»، - دەلىنگەن مينيسترلىك حابارلاماسىندا. 

تاراپتار كەزدەسۋ وتكىزۋدى جوسپارلاپ وتىر.