پرەزيدەنتىمىز ق.ك.توقايەۆتىڭ حالىققا ارناعان جولداۋى جۇيەلى ءارى كەشەندى ماقساتتار مەن باعىتتاردى قامتىعان. ولاردىڭ قاتارىندا ەكونوميكانىڭ ءتۇرلى سالالارىن كەڭىنەن سيفرلاندىرۋ، اۋىل شارۋاشىلىعىنا يننوۆاسيالاردى ەنگىزۋ، قالالاردىڭ قارقىندى دامۋىن قامتاماسىز ەتۋ بار.
اسىرەسە، وندىرىستەردى اۆتوماتتاندىرۋ مەن مالىمەتتەردى جيناقتاۋدى جۇيەلەندىرۋگە نازار اۋدارىلدى. مەملەكەتتىك ورگاندار مەن قىزمەتتەردىڭ سيفرلاندىرىلۋ دەڭگەيى الداعى ۋاقىتتا ودان ارى ارتتىرىلاتىن بولادى. سيفرلىق جاڭا ارحيتەكتۋرانىڭ جۇيەسى قالىپتاستىرىلادى. وسى رەتتە ءبىر-بىرىن قايتالايتىن فۋنكسيالار ازايتىلاتىن بولادى. ازاماتتارعا قىزمەت ۇسىنۋ اۋقىمى مەن دارەجەسى جەتىلدىرىلەدى. وتانداستارىمىز سمارتفون ارقىلى بارلىق قىزمەتتەردى الا الاتىن بولادى.
وسىمەن قاتار، اقپاراتتاردى جەتكىزۋ جەلىلەرى جاڭارتىلادى. ەلىمىزدىڭ اقپاراتتىق جانە تەلەكوممۋنيكالىق پوتەنسيالى ارتاتىن بولادى. مەملەكەت باسشىسى اتاپ وتكەندەي، قازاقستان ورتالىق ازيا ءوڭىرىنىڭ سيفرلىق حابىنا اينالۋى قاجەت. بۇل ءۇشىن كادرلاردى ازىرلەۋ كۇشەيتىلەتىن بولادى.
جولداۋدا كرەاتيۆتى ەكونوميكانى قولداۋدىڭ قورىن قۇرۋ اتالىنىپ ءوتتى. وسى رەتتە بۇل سالانى دامىتۋدا الماتىنىڭ ۇلەسى مول بولماق. شاھارىمىزدا بۇل باعىتتا ارنايى باسقارما قۇرىلىپ، كەشەندى جوسپار ازىرلەنىپ ىسكە اسىرىلىپ كەلەدى. تاعى ءبىر ماڭىزدى نارسە، وڭىرلەردىڭ تۇراقتى جانە بىركەلكى دامۋىنا دا ۇلكەن ءمان بەرىلدى. ۋربانيزاسيا پروسەسىن ەسكەرە وتىرىپ، قالالاردىڭ ءوسۋ ورتالىقتارى بولاتىنى اتالىپ ءوتتى.
جوعارىدا اتاپ وتكەن سيفرلاندىرۋ ءۇردىسىن جان-جاقتى جۇزەگە اسىرۋ ءۇشىن بىلىكتى مامانداردى ازىرلەۋ ستراتەگيالىق ماڭىزدى ماسەلە بولىپ تابىلادى. IT جانە تەحنيكالىق سالالاردا مامانداردى ازىرلەۋگە باسا نازار اۋدارىلدى. تەحنيكالىق باعىت قىزمەتكەرلەرىنىڭ ەڭبەكاقىسىن ارتتىرۋ دا ۋاقىت تالابىنا ساي شەشىم دەپ بىلەمىز.
وسىمەن بىرگە جولداۋدا الەۋمەتتىك شارالاردىڭ ۇلكەن توپتاماسى قاراستىرىلعان. اتاپ ايتساق، جەكە مەنشىك كومپانيالاردىڭ قىزمەتكەرلەرىنىڭ ەڭبەكاقىلارىن ارتتىرۋ ءۇشىن سالىقتىق جەڭىلدىكتەر جانە مەملەكەتتىك قولداۋ تۇرلەرى ەنگىزىلەتىن بولادى. بۇنىڭ ارقاسىندا ميلليونداعان وتانداستارىمىزدىڭ تابىسى ارتا تۇسەدى. ەڭبەكتەنىپ كەلە جاتقان جالدامالى جۇمىسكەرلەردىڭ ەڭبەكاقىلارىن ارتتىرۋعا ارنالعان باستاما دا حالىق تاراپىنان ۇلكەن قولداۋ تابادى دەگەن ويدامىن. بۇل ەلىمىزدىڭ ءاربىر وتباسىنا وڭ اسەرىن تيگىزەتىن بولادى.
شاعىن جانە ورتا كاسىپكەرلىك سۋبەكتىلەرىنىڭ ەڭبەكاقى قورىنا قاتىستى ورتاق ءبىرتۇتاس تولەمدەر 39%-دان 25%-عا ازايتىلاتىن بولادى. تومەنگى جالاقى مولشەرى 42500-دەن 60 مىڭ تەڭگەگە دەيىن ارتادى. بۇل ازاماتتاردىڭ كىرىسىنىڭ ۇلعايۋىنا، كولەڭكەلى ەكونوميكانى قىسقارتۋعا جانە ءجىو ارتۋىنا سەپتىگىن تيگىزەدى.
مۇعالىمدەرمەن جانە دارىگەرلەرمەن قاتار 2022-2025 جىلدار بارىسىندا مادەنيەت، مۇراعات، تەحنيكالىق سالا، جۇرگىزۋشىلەر، قورىقشىلاردىڭ ەڭبەكاقىلارىنىڭ جىل سايىن 20% ارتۋى ەرەكشە ماڭىزدى. اتاپ وتەرلىك ءجايت، بۇل ماسەلەلەر ءماجىلىس دەپۋتاتتارىنىڭ Nur Otan پارتياسى فراكسياسى مۇشەلەرىنىڭ الماتى قالاسىنا شىلدە ايىندا بولعان ءىسساپارى اياسىندا كوتەرىلگەن بولاتىن. ءبىز ءوز تاراپىمىزدان حالىق كوتەرگەن ماسەلەلەر مەن ۇسىنىستاردى جيناقتاپ، ءتيىستى قۇزىرەتتى ورگاندارعا جولدادىق. جولداۋ ەل ازاماتتارىنىڭ الەۋمەتتىك قامتىلۋىن ارتتىرۋدىڭ جانە جاستارىمىزدىڭ ءبىلىمدى ءارى كەمەل بولاشاعىنىڭ نەگىزى بولادى. باعدارلامالىق قۇجاتتا اتالىپ وتكەندەي، باستى ماقسات – ازاماتتاردىڭ ءومىر ساپاسىن نىعايتۋ. بۇل ورايدا قالالار مەن اۋىلداردىڭ، جالپى بارلىق وڭىرلەردىڭ دامۋىنا ۇلكەن باسىمدىق بەرىلەتىن بولادى.