ءتارتىپ ساقشىلارى ارنايى وپەراسيا بارىسىندا قۇپيا ورىنعا جاسىرىلعان قارۋ-جاراق تاپقان
الماتى پوليسەيلەرى قارۋ-جاراق ارسەنالىن تاركىلەۋ بويىنشا ارنايى وپەراسيا جۇرگىزدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«46 جاستاعى د.ەسىمدى ازاماتتىڭ كولىگى جاندوسوۆ پەن ياسساۋي كوشەلەرىنىڭ قيىلىسىندا ۇستالدى. تەرگەۋ سوتىنىڭ رۇقساتىمەن كولىكتى جانە كۇدىكتىنى ءتىنتۋ كەزىندە پاتروندارى بار ەكى تاپانشا تابىلدى جانە تاركىلەندى. د.ەسىمدى ازاماتتىڭ تۇرعىلىقتى جەرى - الماتى وبلىسى تالعار اۋدانىندا قۇپيا ورىننان تاعى التى قارۋ، ونىڭ ىشىندە 12 كاليبرلى ۆينچەستەر، گراناتا جانە 60 پاترون تابىلدى»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
پوليسيا باسقارماسى باسشىسىنىڭ ايتۋىنشا، قارۋدىڭ كىمگە تيەسىلى ەكەندىگىن، سونداي-اق قانداي دا ءبىر قىلمىسقا قاتىسىنىڭ بار-جوعىن انىقتاۋ ءۇشىن تاركىلەنىپ، سوت-بالليستيكالىق ساراپتاماعا جىبەرىلدى.
ونىڭ ايتۋىنشا، كۇدىكتىنىڭ ۇيىنەن ۇنتاق زات سالىنعان ءتورت بۋما تابىلدى. مەديسينالىق ساراپتاما كۇدىكتىنىڭ ۇستالعان كەزدە ەسىرتكىگە ماس بولعانىن انىقتادى.
ءقازىرقر قك 287-بابى 3-بولىگىنە سايكەس سوتقا دەيىنگى تەرگەۋ جۇرگىزىلۋدە. د.ەسىمدى ازامات پوليسيا دەپارتامەنتىنىڭ ۋاقىتشا ۇستاۋ يزولياتورىنا قامالدى.