پاندەميا باستالعالى بەرى الەمدەگى جانە قازاقستانداعى جاعداي وڭاي ەمەس ەكەندىگىن ءبارىمىز كورىپ وتىرمىز. مەملەكەت باسشىسى ق.ك.توقايەۆ جولداۋدا دەنساۋلىق ساقتاۋ جۇيەسىنىڭ تيىمدىلىگىن ارتتىرۋعا ۇلكەن باسىمدىق بەردى. وسى ورايدا ەلىمىزدە كوروناۆيرۋستىڭ الدىن الۋ جانە ەمدەۋ بويىنشا كەشەندى شارالار قولعا الىناتىن بولادى.
پرەزيدەنت اتاپ كورسەتكەندەي، قازاقستان ۆاكسينا جاساعان بىرنەشە ەلدىڭ قاتارىندا. بۇل ءبىزدىڭ مەديسينا جانە بيوينجەنەريا سالاسىنداعى عالىمداردىڭ الەۋەتىن كورسەتتى. ىندەتتىڭ الدىن الۋ ءۇشىن ەكپە سالۋدىڭ ماڭىزى زور. بۇل رەتتە الماتى قالاسىندا اۋقىمدى شارالار قولعا الىنىپ، ۆاكسينالاۋ كەشەندى تۇردە ىسكە اسىرىلۋدا.
پاندەميا اياسىندا ەكونوميكانىڭ دامۋى توقتاماۋ كەرەك. بۇكىل دەنساۋلىق ساقتاۋ سالاسى تۇراقتى ەكپە سالۋ جۇيەسىنە دايىندالۋى قاجەت.
سونىمەن قاتار، ەلىمىزدىڭ بيولوگيالىق قاۋىپسىزدىگىن بولجاۋمەن اينالىساتىن ۇلتتىق جۇيە قۇرىلاتىن بولادى. بۇل ءتيىستى زاڭمەن پارلامەنتتىڭ قازىرگى سەسسياسىنىڭ سوڭىنا دەيىن قابىلدانۋى كەرەك. تاعى ءبىر ماڭىزدى ماقسات – زەرتحانالاردىڭ حالىقارالىق ستاندارتتارعا سايكەس جاراقتاندىرىلۋىنا مەملەكەت باسشىسى ۇلكەن كوڭىل ءبولدى. پاندەميا سالدارىنان ىسىرىلعان جوسپارلى ەمدەۋ مەن وتا جاساۋ پروسەستەرىن جانە سكرينينگتى الداعى ۋاقىتتا توقتاتۋعا بولمايتىنى ايتىلدى.
ەلىمىزدىڭ مەديسينالىق قاۋىپسىزدىگىن قامتاماسىز ەتۋ ءۇشىن وتاندىق فارماسيەۆتيكانىڭ دامۋىنا سەرپىن بەرىلەتىن بولادى. دارى-دارمەك پەن مەديسينالىق قۇرىلعىلاردىڭ ۇلەس سالماعىن 17%-دان 2025 جىلى 50%-عا جەتكىزۋ بويىنشا ۇلكەن ءارى ماڭىزدى ماقسات بەلگىلەندى.
سونداي-اق، دەنساۋلىقتى ساقتاۋ جانە يممۋنيتەتتى كۇشەيتۋ ارناسىندا بۇقارالىق جانە بالالار سپورتىن دامىتۋعا كوڭىل بولىنەتىن بولادى.
جولداۋ مەديسينا جۇيەسىنىڭ دامۋىن ارتتىرۋدى جانە حالىق دەنساۋلىعىن قامتاماسىز ەتۋدى كۇشەيتەرى انىق.