جولداۋعا ءۇن قوسۋ.
مەملەكەت باسشىسىنىڭ قازاقستان حالقىنا ارناعان جولداۋىن جۇرتشىلىق كەڭىنەن تالقىلاپ، وڭ كوزقاراستارىن بىلدىرۋدە، دەپ حابارلايدى Almaty-akshamy.kz.
«ءبىز ءقازىر ۇرپاعىمىزعا ءقازىر قانداي باعىت-باعدار بەرەمىز، نە ايتامىز دەپ اداسىپ جۇرگەن جۇرت ەدىك. ءقازىر، مىنە، ءبىزدىڭ نەمەرەلەرىمىز، شوبەرەلەرىمىز ۇلتتىق قوردان اۋدارعان جاردەماقى بەرىلەدى، ەسەپشوت اشىلادى دەگەن دۇنيە جۇرتتى قۋانتتى. ەكونوميكالىق باسقارۋ جاعىنداعى تارتىپسىزدىك، كەلەڭسىزدىك دەگەندەردىڭ بارىنە نۇكتە قويىپ وتىر. كەدەندەگى تارتىپسىزدىك، ورتا-شاعىن بيزنەستەگى تارتىپسىزدىك، اسىرەسە، مىناۋ تەكسەرىس دەگەن دۇنيە، جۇيەسىزدىك - وسىنىڭ بارلىعىنا ۇلكەن باعىت-باعدار كورسەتىپ، ءبىرىڭعاي ەكونوميكالىق جۇيەنى قالىپتاستىرىپ، ۇلكەن نەگىزىن قالادى دەسە بولادى. جولداۋدىڭ ءمانى - ەلدىڭ اۋقاتىن كوتەرۋگە باعىتتالىپ، قازاقستان حالقىنىڭ ەكونوميكالىق جاعىنان وسىپ-وركەندەۋى ءۇشىن ۇلكەن ءبىر باستى باعىت بولدى»، - دەيدى حالىقارالىق «الاش» ادەبي سىيلىعىنىڭ لاۋرەاتى عالىم قاليبەك ۇلى.