2024 جىلدىڭ 3-6 ناۋرىزىندا الماتىدا SCIJ (The Ski Club of International Journalists) حالىقارالىق كلۋبىنىڭ 69-شى وتىرىسى وتەدى، وعان 25 ەلدەن 150-گە جۋىق جۋرناليست قاتىسادى، دەپ حابارلايدى اlmaty-akshamy.kz.
قالامدى قارۋ ەتكەن كاسىبي جانە سپورت جۋرناليستەرى اراسىنداعى بايلانىستار مەن ءوزارا قارىم-قاتىناستى نىعايتا ءتۇسۋ يدەياسىن ۇستانعان حالىقارالىق جۋرناليستەردىڭ شاڭعى كلۋبىنا 31 ەل مەن ءۇش كونتينەنتتەن ءۇش مىڭنان استام بەلسەندى جۋرناليستەر مۇشە. بۇگىنگى تاڭدا SCIJ كلۋبىنىڭ پرەزيدەنتى - كانادالىق فرەدەريك ۋوللاس بولسا، بەلگيالىق برۋنو شميتس كلۋبتىڭ باس حاتشىسى.
1955 جىلعى قىرعي-قاباق سوعىستىڭ شاعىندا ۇكىمەتتەر اراسىنداعى ساياسي سالقىندىق جۋرناليستەر مەن سپورتشىلاردىڭ اراسىنداعى ەمىن-ەركىن قارىم-قاتىناسقا سىزات تۇسىرمەۋى كەرەك دەگەن ويمەن فرانسۋز جيل دە لا روك كلۋبتىڭ نەگىزىن قالايدى. سودان بەرى جىل سايىن كلۋب مۇشەلەرىنىڭ ءداستۇرلى كەزدەسۋلەرى الەمنىڭ ەڭ ۇزدىك تاۋ كۋرورتتارىندا وتكىزىلىپ كەلەدى. مۇنداي كەزدەسۋلەر باعدارلاماسىنا تاۋ شاڭعىسى جانە شاڭعىمەن جۇگىرۋ جارىستارى قامتىلادى. سونىمەن قاتار، كەزدەسۋدە ساياسي جانە كاسىبي تاقىرىپتار تالقىلانادى. كەزدەسۋ وتكىزگەن ەلدىڭ جەتىستىكتەرى، سالت-داستۇرلەرى، مادەنيەتى مەن ۇلتتىق تاعامدارىمەن تانىسادى. قىسقاسى، ءار ەلدىڭ جورنالشىلارى بىر-بىرىمەن ەتەنە تانىسۋعا مۇمكىندىك الادى.
بۇعان دەيىن كەزدەسۋلەر يسپانياداعى «Baqueira-Beret»، يتالياداعى «Sestriere»، فرانسياداعى «Val Cenis Vanoise ي Val d’Arly»، رەسەيدەگى «روزا حۋتور» جانە بولگاريانىڭ «پامپوروۆو» سياقتى الەمنىڭ 74 اتاقتى تاۋلى كۋرورتتارىندا وتكەن. ال وتكەن جىلى كلۋب مۇشەلەرى كانادانىڭ «Marble Mountain» شيپاجايىندا كەزدەستى. بيىل الماتىداعى «شىمبۇلاق» شيپاجايىندا SCIJ كلۋبىنىڭ وتىرىسىن وتەدى.
«ءبىز SCIJ حالىقارالىق وتىرىسىن وتكىزۋ قۇقىعىن 2020 جىلى جەڭىپ الدىق. ءبىراق پاندەمياعا بايلانىستى ونى 2021 جىلدان 2024 جىلعا اۋىستىرۋعا تۋرا كەلدى. حالىقارالىق كلۋبتىڭ قازاقستاندىق فيليالىنىڭ جۋرناليستەرى شەتەلدەگى ارىپتەستەرىنىڭ ەلىمىزدە ەرەكشە اسەر الىپ كەتۋى ءۇشىن كوپ كۇش جۇمساۋدا»، - دەپ ءتۇسىندىردى SCIJ قازاقستان پرەزيدەنتى يرينا باجەنوۆا.
6 ناۋرىزدا «شىمبۇلاق» شيپاجايىندا جۋرناليستەر اراسىندا تاۋ شاڭعىسىنان ب ا ق سىنايتىن بولادى. ال 9 ناۋرىزدا «الاتاۋ» شاڭعى-بياتلون كەشەنىندە شاڭعىمەن جۇگىرۋدەن جارىسادى.
«بۇل جارىستار شاڭعى سپورتى بويىنشا جۋرناليستەر اراسىنداعى بەيرەسمي الەم چەمپيوناتى بولىپ سانالادى. سوندىقتان جەڭىسكە ۇمىتكەر جۋرناليستەر سەكۋند ءۇشىن بار كۇش-جىگەرىن جۇمسايتىن بولادى»، - دەيدى SCIJ قازاقستان پرەزيدەنتى يرينا باجەنوۆا.
ول قازاق جۋرناليستەرىن حالىقارالىق بايقاۋلاردا جەڭىس تۇعىرىنان كورەمىز دەپ ۇمىتتەنەدى.
جالپى قازاقستان 2012 جىلى تۇركيادا وتكەن كەزدەسۋگە قوناق رەتىندە قاتىسقان. 2013 جىلى يتاليادا وتكەن كەزدەسۋدە ءۇش ادامنان تۇراتىن قازاقستاندىق كوماندا SCIJ-كە رەسمي تۇردە قابىلداندى. SCIJ Kazakhstan كلۋبى قۇرىلعان 10 جىل ىشىندە قاتىسۋشىلار سانى 45 ادامعا جەتتى.