ۇلتتىق كومپانيا رەسپۋبليكالىق ماڭىزى بار كۇرە جولدار جەلىسىندە قاۋىپسىزدىكتى قامتاماسىز ەتۋ ءۇشىن بارلىق قاجەت شارانى قابىلداۋدا.
الداعى مەرەكە كۇنى رەسپۋبليكالىق اۆتوجولدار جەلىسىندە كولىك قوزعالىسى قارقىندىلىعى ارتادى دەپ بولجانۋدا، دەپ حابارلايدى Almaty-akshamy.kz
جولشى ماماندار جولداردى قاداعالاۋدى كۇشەيتىپ، قيىن جاعدايعا تاپ بولعاندارعا جان-جاقتى كومەك كورسەتپەك. سونىمەن قاتار قىسقى كۇتىپ-ۇستاۋ جۇمىستارىنىڭ باستالعانىن ەسكە سالامىز. سينوپتيكتەردىڭ اقپاراتىنا سايكەس ەلىمىزدىڭ باسىم بولىگىندە كۇن رايى ءالى دە قۇبىلمالى بولادى. ۇزاق ساپارعا شىقپاس بۇرىن اۋا-رايى مەن جولدارداعى احۋالدى ناقتىلاۋ قاجەت. بۇل اقپاراتتى 1403 قىسقا نومىرىنە قوڭىراۋ شالىپ، بىلۋگە بولادى.
سونداي-اق كولىكتىڭ جاي-كۇيىن تەكسەرىپ، جول قوزعالىسى ەرەجەلەرى مەن جىلدامدىق رەجيمىن قاتاڭ ساقتاۋ قاجەت.