الماتى پوليسەيلەرى اينەكتەرى قاراڭعىلانعان كولىكتەردى انىقتايتىن قۇرىلعىنى پايدالانۋدا.
الماتىلىق پاترۋلدىك پوليسيا قىزمەتكەرلەرى پيلوتتىق نۇسقادا كولىك اينەكتەرىن قاراڭعىلاپ العان جۇرگىزۋشىلەردى انىقتاپ جاتىر، دەپ حابارلايدى Almaty-akshamy.kz Polisia.kz-كە سىلتەمە جاساپ.
جول قاۋىپسىزدىگىنە قاتىستى زاڭنامالىق تالاپتاردان ءسال عانا اۋىتقۋدىڭ ءوزى قايتىمسىز سالدارى بار اپاتتارعا اكەپ سوقتىراتىنىن ءبارى بىلەدى.
«جول قاتەلىكتى كەشىرمەيدى» اكسيوماسى، اسىرەسە جول ەرەجەسىن ەلەمەيتىن ازاماتتار ءۇشىن وزەكتى. جول قوزعالىسىنا بەيقام قاتىسۋشىلاردى انىقتاۋ ماقساتىندا پوليسەيلەر تۇراقتى تۇردە جەرگىلىكتى رەيدتەر جانە ماقساتتى ءىس-شارالاردى وتكىزەدى. جول قوزعالىسى ەرەجەلەرىن ورەسكەل بۇزۋ دەرەكتەرىنىڭ جولىن كەسۋگە، ونىڭ ىشىندە اينەكتەرىن قاراڭعىلاپ العان كولىكتەردى انىقتاۋعا ەرەكشە نازار اۋدارىلادى. ءتارتىپ بۇزۋشى دەرەۋ پلەنكانى الىپ تاستاۋعا مىندەتتەلىپ، وعان قاتىستى حاتتاما تولتىرىلادى»، – دەدى جپقب مامانداندىرىلعان باتالونىنىڭ كومانديرى جانىبەك وسكەمبايەۆ.