بجزق: قوردان وتانداستارىمىزدىڭ دەربەس دەرەكتەرى تۋرالى مالىمەتتىڭ شىققانى تۋرالى دەرەك راستالمادى
"بجزق" اق GitHub سايتىنداعى قۇجاتتارعا بەلگىسىز تۇلعالار ورنالاستىرعان قازاقستاندىقتاردىڭ دەربەس دەرەكتەرىنىڭ بجزق دەرەكقورىنان شىعۋى تۋرالى جەلىدە تارالعان اقپاراتتىڭ شىندىققا سايكەس كەلمەيتىنى تۋرالى رەسمي مالىمدەمە جاسايدى.
بجزق قاۋىپسىزدىك قىزمەتى GitHub سايتىندا ورنالاستىرىلعان دەرەكتەرگە ەگجەي-تەگجەيلى تالداۋ جۇرگىزدى. ناتيجەسىندە، جاريالانعان كاتالوگتا enpf.kz سايتىنىڭ سيپاتتاماسى عانا كورسەتىلگەنى انىقتالدى. بۇل سايت اشىق اقپارات كوزى بولىپ تابىلادى جانە وندا سالىمشىلار مەن الۋشىلاردىڭ دەربەس دەرەكتەرى جوق.
اقپاراتتىق قاۋىپسىزدىكتى قامتاماسىز ەتۋ ماقساتىندا بجزق كيبەرقاۋىپتەرگە قارسى تۇرۋ ءۇشىن زاماناۋي جاراقتالعان جۇيەنى بەلسەندى تۇردە قولدانادى. بۇل جۇيە قوردىڭ اقپاراتتىق تەحنولوگيالىق (ات) ينفراقۇرىلىمىنىڭ سىرتقى جانە ىشكى پەريمەترىن اسا بەلسەندى قورعاۋ ادىستەرىن قامتيدى. بجزق وسى سالاداعى ۇزدىك الەمدىك تاجىريبەلەردى قولدانا وتىرىپ، ءتۇرلى جاعدايلارعا، اقپاراتتىق قاۋىپسىزدىك قاتەرلەرى مەن تاۋەكەلدەرىنە ۋاقىتىلى جاۋاپ بەرىپ، قاجەتتى شارالاردى قولدانا الادى.
بجزق ناتيجەلەردىڭ وبەكتيۆتىلىگى مەن سەنىمدىلىگىن قامتاماسىز ەتەتىن، سالىمشىلارعا ولاردىڭ قۇپيا دەرەكتەرىن تولىق قورعاۋعا كەپىلدىك بەرەتىن جانە اقپاراتتىق قاۋىپسىزدىك سالاسىنداعى نورماتيۆتىك تالاپتاردى قاتاڭ ساقتايتىن حالىقارالىق ستاندارتتار مەن تالاپتارعا سايكەس اقپاراتتىق قاۋىپسىزدىكتى باسقارۋ جۇيەلەرىنىڭ حالىقارالىق اۋديتىنەن ۇنەمى ءوتىپ تۇرادى.