الماتى اكىمدىگى قۇرامىنا ABM-vuilding 2007، "ەلەكترورەمونت" ج ش س جانە "ABM-Project" ج ش س كىرەتىن جەكە سەرىكتەس-كونسورسيۋمعا قارسى ەكىنشى ينستانسياداعى سوتتا جەڭىسكە جەتتى، دەپ حابارلايدى almaty-akshamy.kz
ەسكە سالساق، وتكەن جىلدان بەرى الماتى اكىمدىگى مەن جوسىقسىز جەكەشە ارىپتەس اراسىنداعى سوت پروسەستەرى جالعاسۋدا.
بۇعان دەيىن حابارلانعانداي، 2022 جىلدىڭ قازان ايىندا الماتى قالاسىنىڭ مامانداندىرىلعان اۋدانارالىق ەكونوميكالىق سوتىنىڭ شەشىمىمەن "الماتى قالا جارىق" مكك ءۇش كومپانيادان تۇراتىن جەكە ارىپتەس – كونسورسيۋممەن: "ABM-Vuilding 2007" ج ش س، "ەلەكترورەمونت" ج ش س جانە "ABM-Project"جشس-مەن شارتتى بۇزۋ تۋرالى تالابى قاناعاتتاندىرىلدى.
- قاراشا ايىندا جەكە سەرىكتەس اپەللياسيالىق شاعىم ءتۇسىردى. قاڭتار ايىندا ۇزاق ۋاقىتقا سوزىلعان ىسكە نۇكتە قويىلدى. الماتى قالالىق سوتىنىڭ سوت القاسىنىڭ 2024 جىلعى 15 قاڭتارداعى قاۋلىسىمەن جەكە ارىپتەستىڭ اپەللياسيالىق شاعىمىن قاناعاتتاندىرۋدان باس تارتىلدى. الماتى قالاسىنىڭ مامانداندىرىلعان اۋدانارالىق ەكونوميكالىق سوتىنىڭ 2023 جىلعى 11 قازانداعى ءمجا شارتىن بۇزۋ تۋرالى اقج تالابى بويىنشا شەشىمى وزگەرىسسىز قالدى.
- سوت شەشىمىنىڭ قورىتىندىسى بويىنشا ەنەرگەتيكا جانە سۋمەن جابدىقتاۋ باسقارماسىنىڭ، "الماتى قالا جارىق" مكك وكىلدەرىنەن، جەكە ارىپتەسىنەن، ءمجا وبەكتىلەرىنىڭ جاي-كۇيىن قاراۋ جانە ولاردى قالا بالانسىنا بەرۋ ءۇشىن تەحنيكالىق اۋديت جانە باعالاۋ جونىندەگى تاۋەلسىز ساراپشىلاردان كوميسسيا قۇرىلۋعا ءتيىس.
انىقتالعان ەسكەرتۋلەر بويىنشا جەكە سەرىكتەس اقاۋلاردى جويۋعا مىندەتتى. الايدا، سوڭعىسى مەملەكەتتىك سەرىكتەستىڭ اۋديتكە جانە سىرتقى جارىقتاندىرۋ وبەكتىلەرىن قالا بالانسىنا بەرۋگە ارنالعان بارلىق حاتتارىن ەلەمەدى.
"قالىپتاسقان جاعدايدى ەسكەرە وتىرىپ، جاقىن ارادا قۇقىقتىق سالادا باعالاۋ جۇرگىزۋ جانە بار كەمشىلىكتەردى قۇجاتتاۋ ءۇشىن تاۋەلسىز ساراپشىلاردى تارتۋ ءۇشىن كونكۋرس جاريالاۋ جوسپارلانۋدا. سوندا "الماتى قالا جارىق" مكك قالپىنا كەلتىرۋ جۇمىستارىنا تولىقتاي قوسىلا الادى. ءقازىر ءبىز جەكەشە ارىپتەس تاراپىنان قارسىلىق كورىپ وتىرمىز: كونسورسيۋم اقاۋلاردى جويۋدى جانە شىعىنداردى وتەۋدى قالامايدى"، - دەپ ءتۇسىندىردى “الماتى قالا جارىق" مكك.
ەسكە سالساق، ەنەرگەتيكا جانە سۋمەن جابدىقتاۋ باسقارماسى، "الماتى قالا جارىق" جانە ABM-Vuilding 2007 ج ش س، "ەلەكترورەمونت" ج ش س جانە ABM-Project ج ش س قۇرامىنداعى كونسورسيۋم 2018 جىلى "الماتى قالاسىنىڭ سىرتقى جارىقتاندىرۋىن مودەرنيزاسيالاۋ" جوباسى بويىنشا 27 ملرد سوماعا جۋىق مەملەكەتتىك-جەكەمەنشىك ارىپتەستىك شارتىن جاساستى، ول كەيىن جۇمىس كولەمىنىڭ وسۋىنە بايلانىستى 43،6 ملرد دەيىن ءوستى.
شارت بويىنشا جەكە سەرىكتەس 2019-2023 جىلدار ارالىعىندا 12،5 ملرد تەڭگە ينۆەستيسيالاپ، 44 مىڭنان استام جارىق نۇكتەلەرىن مودەرنيزاسيالاۋى ءتيىس بولاتىن. جەكە سەرىكتەس تەك 13،5 مىڭ جارىق نۇكتەسىن جاڭارتتى، ياعني ول ءوز مىندەتتەمەلەرىن ورىندامادى. ناتيجەسىندە، بيزنەسمەندەردىڭ جاۋاپسىزدىعى سالدارىنان قالا جەتكىلىكتى تۇردە جارىقتاندىرىلمادى.
"بيۋدجەت قارجىسى ءبولىندى. جەكە سەرىكتەس جابدىقتى قالپىنا كەلتىرۋى نەمەسە العان اقشاسىن قايتارۋى كەرەك. مودەرنيزاسيالاۋ جوباسى 5 جىل بۇرىن باستالعان بولاتىن، ارينە، اۋديت جۇرگىزۋ ءۇشىن ساراپشىلاردىڭ كەمىندە 3-4 اي جۇمىس جاساۋى قاجەت بولادى"، - دەپ ءتۇسىندىردى “الماتى قالا جارىق".