قازاقستان جول عىلىمي-زەرتتەۋ ينستيتۋتىنىڭ عالىمدارى امەريكالىق نورماتيۆتىك بازامەن تانىسۋ جانە جول قۇرىلىسى سالاسىنداعى ىنتىماقتاستىقتى نىعايتۋ ماقساتىندا امەريكا قۇراما شتاتتارىنا جۇمىس ساپارىمەن باردى.
اتاپ ايتقاندا، ولار پەنسيلۆانيا شتاتىنداعى American Society for Testing and Materials (امەريكالىق سىناقتار جانە ماتەريالدار قوعامى) حالىقارالىق ۇيىمىنىڭ شتاب-پاتەرىندە بولدى، دەپ حابارلايدى Almaty-akshamy.kz ق ر كولىك مينيسترلىگىنىڭ رەسمي سايتىنا سىلتەمە جاساپ.
جۇمىس ساپارى بارىسىندا قازجولعزي ۆيسە-پرەزيدەنتى ەرىك امىربايەۆ، عىلىمي-زەرتتەۋ ورتالىعىنىڭ ديرەكتورى اسەل نۇعمانوۆا، اۆتوموبيل جولدارى جانە كوپىر قۇرىلىستارى باسقارماسىنىڭ باسشىسى قايسار شالقار ASTM International ديرەكتورى دجيم ولشيەۆسكييمەن، سونداي-اق كومپانيانىڭ جول سالاسى بويىنشا ساراپشىلارىمەن كەزدەستى.
اتاپ ايتقاندا، ASTM International ماتەريالدارعا، ونىمدەر مەن جۇيەلەرگە، سونىمەن بىرگە قىزمەتتەرگە ارنالعان ەرىكتى ستاندارتتاردى ازىرلەۋمەن جانە شىعارۋمەن اينالىسادى. امەريكالىق كومپانيادا قازاقستاندىقتار الەمنىڭ 60 ەلىندە نورماتيۆتىك بازالاردىڭ نەگىزى رەتىندە الىنعان اقش-تىڭ 5 مىڭنان استام جول سالاسىنداعى ستاندارتتارىمەن تانىستى.
«امەريكالىق جول ستاندارتتارى 5 جىلدا ءبىر رەت تەكسەرىلىپ، قايتا شىعارىلادى. بۇگىنگى تاڭدا ماتەريالداردىڭ، تاۋارلار مەن قىزمەتتەردىڭ ساپاسىن ارتتىرۋعا، قاۋىپسىزدىكتى كۇشەيتۋگە جانە نارىققا شىعۋىنا ىقپال ەتۋگە ارنالعان 12 مىڭعا جۋىق ASTM ستاندارتتارى بۇكىل الەمدە قولدانىلادى. ولاردىڭ پراكتيكالىق نۇسقاۋلارىن ونەركاسىپ پەن كوپتەگەن ەلدىڭ ۇكىمەتتەرى پايدالانادى. ASTMء-نىڭ باي تاجىريبەسى قازجولعزي جۇرگىزىپ جاتقان قازاقستاننىڭ جول سالاسىنىڭ نورماتيۆتىك بازاسىن رەفورمالاۋ بويىنشا جۇمىستارى بارىسىندا پايدالى بولۋى مۇمكىن»، دەپ اتاپ ءوتتى اسەل نۇعمانوۆا.
ەستەرىڭىزگە سالا كەتەيىك، مەملەكەت باسشىسى قاسىم-جومارت توقايەۆ قازاقستان حالقىنا جولداۋىندا 2029 جىلعا دەيىن جولداردىڭ ساپاسىن ارتتىرۋدى تاپسىرعان بولاتىن. ول ءۇشىن باسقا دا مىندەتتەرمەن قاتار ۇكىمەت جول سالاسىنىڭ قولدانىستاعى نورماتيۆتىك بازاسىن سايكەستەندىرۋى ءتيىس.
وسى رەتتە ق ر كولىك مينيسترلىگى سالالىق نورماتيۆتىك قۇجاتتاردى وزەكتەندىرۋ مەن رەفورمالاۋدى قازاقستان جول عىلىمي-زەرتتەۋ ينستيتۋتىنا تاپسىردى. ينستيتۋت تاۋەلسىز جول ساراپشىلارىنىڭ قاتىسۋىمەن تەحنيكالىق كەڭەستىڭ وتىرىستارىن وتكىزدى. سونىڭ ناتيجەسىندە بۇگىنگى تاڭدا 400-دەن استام گوست، 200-گە جۋىق ستاندارتتار جانە 300-گە جۋىق ۆەدومستۆولىق نورماتيۆتىك-تەحنيكالىق قۇجاتتار قايتا قارالدى.